رواية بقلم ميادة مأمون

يتيم الاب وليس له مأوى. 
روح منك لله يا ظالم يا مفتري. 
تعالي يا بيجاد اقعد يا أبني. 
من فضلك يا حضرة الظابط انا مش محتاج شفقه من حد. 
مش شايف ان كلامك اكبر من سنك يا بيجاد
عشان انا طالع لابويا هو رباني في الفترة القصيرة اللي عاشها معايا اني اكون راجل واواجه مشاكلي بقوه. 
الله يرحمه يا حبيبي ابوك كان ونعم الرجال بجد 
بس انت عارف ايه اللي مستنيك بعد كده انا لحد دلوقتي لسه ماكتبتش المحضر وعندي امل لما عمك يجي يرجع عن كلامه ويوافق علي الصلح. 
عمي مش هايوافق علي الصلح يا حضرة الظابط عمي دبر كل الفيلم ده عشان يخلص مني ودا اللي كان بيخطط ليه من ساعة ما حس اني بقيت اقدر ادافع عن امي وأقف قصاده. 

بص يا بيجاد انا عارف كويس اوي ان الفرق بين ابوك الله يرحمه وعمك كبير 
بس دلوقتي عمك في ايده يضيع مستقبلك في لحظة وفي ايده برضو انه يحافظ ليك عليه. 
عايز توصل لأيه
حضرتك
عايز اقولك لازم تساير امورك شويه وانا من ناحيتي هاكلمه لما يجي عشان يتراجع عن قراره ده. 
اسف يا باشا يمكن حضرتك تكون شايفني عيل ادامك بس لاء 
مش بيجاد الالفي اللي يطاطي راسه لحد حتي لو كان عمه اخو ابوه. 
صوت كلاكس سيارته جذب انتباه جميع الحاضرين في الجامعه وهو يضع يده عليه بأصرار عليه يدوي ويدوي دون انقطاع
وقفت بين زملائها مندهشه مما يفعله ذلك المعتوه هو ما تطلق عليه تؤم روحها ولكنها لم تلتفت اليه حين رأت حراسها وهم يشاهدون الموقف من أوله
قرر احد اصدقائه ان ينهي تلك الوصله وهو يلوح له بيديه
ما خلاص بقي يا عم زياد الجامعة كلها سمعتك. 
ها هو يترجل خارج سيارته ووجهه مقفهر من الڠضب واذا به يتجه اليها ويتمتم بكلمات لنفسه
الجامعه كلها سمعت والهانم عامله فيها مطرشه 
ساره.. 
ما كان منها غير انها تحاول الابتعاد عنه وتجري من امامه الي داخل المبنى. 
استني هنا انتي ايه اللي جرالك مالك بتجري كده ليه 
عايز ايه يا زياد ابعد عني بقى. 
انتي اټجننتي يا ساره ابعد عن مين بصيلي هنا! 
ما كان منه الا ان يلفها بين يديه لينظر في عينيها التي تداريها تحت نظارتها الشمسية 
والذي تفاجئ وهو يجذبها من عليها بتلك الكدمه المتورمة اسفلها والتي كانت تداريها بالنظارة وبحجابها وببعض مساحيق التجميل
يا نهار اسود ايه اللي في وشك ده مين اللي عمل فيكي كده 
ابويا ارتحت ابعد عني بقى. 
بطلي هبل انتي بقى واقفي كلميني عدل ابوكي عمل فيكي كده ليه 
جلست علي الدرج من خلفها والدموع لمعت في عيناها وهي تكور يدها اسفل وجنتها. 
عشان عرف اللي بينا يا زياد واداني حتة علقھ ودلوقتي لما ارجع البيت والحرس يقولولو علي اللي حضرتك عملته مش بعيد بقي المره دي يخلص عليا. 
يعني عرف اللي بينا. 
رمته بنظرة ساخره وهي ترمقه حين جلس امامها. 
ما هو بلي حضرتك بتعمله ده خليت الجامعه كلها عرفت اللي بينا انت ناوي علي ڤضحتي يا زياد يا ألفي. 
ههههههه ما هو عشان بحبك يا سارة يا بنت عدلي العزيزي. 
والله شكلك ناوي علي مۏتي وموتك اه والنعمه تصدق ابويا هددني بكده وهو بيعجن فيا امبارح. 
رفع حاجبه الايمن مذهولا من تعبيرها البسيط هذا وهي بتلك الحاله!
يعجن فيكي هي وصلت للعجن قولتلك اروحله اكلمه واطلبك منه انتي اللي رفضتي بس خلاص طلاما وصلت لكده يبقي مش هاسمع كلامك تاني وهاروحله اتكلم معاه ولازم يوافق علي جوازنا.
لاء يا خويا والنبي تقعد وتبطل جنان انت عارف كويس انه مش هايوافق ابويا لا بيطيق اخوك ولا حتي اسمه. 
وانا مالي باخويا يا سارة انا اللي هاتجوز مش هو. 
نعم انت هاتستعبط هو انت مش عارف اللي بينهم ولا ايه.
يا حبيبتي انا ذنبي ايه في كده بس اخويا محامي شاطر وابوكي بيتاجر في الممنوعات
مش زنبي بقي ان بيجاد مسك ضد الرجاله بتوعه قضيه كبيره وخسره فيها كتير. 
ولاااا انت هاتستهبل ولما حضرتك مصدق ان ابويا تاجر ايه اللي يخليك تحب بنته وتبقي عايز تتجوزها. 
انا عارف يا اختي كنت اتعميت في عنيا لما احب شرشوحه زيك. 
تمام اوي كده يعني انا شرشوحه وابويا تاجر وانت واخوك بقي اللي اسم النبي حارسكو وصيانكو مافيش عليكم ملامه 
اشحال لو مكانش اتسبب في قتل مراته علي ايد ابوها كنتو عملتوا ايه. 
بس يا ساره كفايه كلام في الموضوع ده عشان مانزعلش من بعض. 
ولاا نزعل عادي يعني يا زياد بيه اصل انتو الظاهر كده عليكم كل اللي بتحبوهم بتبقو السبب في
موتهم علي ايد اهليهم. 
كده بردو يا سارة الله يسامحك. 
مش هي دي الحقيقة يا زياد مش فرح مرات اخوك ماټت لما ابوها جيه ېقتله واخدت هي بداله. 
انتي مين اللي قالك الكلام ده 
ابويا هو اللي قالي وهددني اني لو مش بعدت عنك هيقتلني زيها وهيقتلك انت كمان معايا. 
وانتي هاتسمعي كلامه يا سارهما تردي سكتي ليه 
انا خاېفه عليك يا زياد قبل ما اكون خاېفه علي نفسي. 
لاء مټخافيش حبيبك راجل ويقدر يقف في وش السبع بس انتي خليكي جانبي وماتسيبنش. 
توقف بسيارته داخل الڨيلا وترجل منها وهو ينادي احد حارسه. 
حماد حماد حماااااد. 
ايوة اني جاي اهو يا بيجاد باشا. 
انت كنت فين يا راجل انت سايب البوابه ونايم ولا ايه وفين باقي الحرس 
موجدين يا باشا بس يعني بصراحه زعلنين شويه من اللي زياد بيه قاله ليهم. 
ماله زياد باشا يا سيدي اټخانق معاهم كالعاده ولا عمل ايه جديد النهاردة 
يا باشا والله ما حد عمله حاجه هو اللي من ساعة ما رجع وهو بيخانق الكل. 
فين الرجاله يا حماد
في الجهه القبليه يا باشا. جاعدين عند المخزن. 
طب تعالي ورايا اومال يامن فين مش سامع صوته يعني 
ما هو البيه الصغير ماسلمش هو كمان من زياد بيه وطلع اوضته جري بعد ما زعق ليه. 
كمان لاء دا كده زياد بيه زودها علي الاخر تعالي ورايا. 
ذهب اليهم وجدهم يجلسون ملتفين حول موقد الڼار يتدفئون من برد الشتاء القارص ليصيح ساخرا
الله الله دانا قلبتها استراحه بقى وانا مش واخد بالي. 
انتفضو جميعا من جلستهم ووقفو امامه احتراما له وخوفا من غضبه. 
ايه يا رجاله طب مش كنتو تبلغوني انكم استغنتو عن الشغل وناوين تعتزلو الحراسه
اقلو اجبلكم اللي يضايفكم في بيتي اللي المفروض انكم بتحرسوه. 
وقف احدهم وتطوع بالحديث بالنيابه عنهم متقدما نحوه ليبدء بالشكوى. 
متأخذناش يعني يا باشا بس قولنا نعمل ايه بعد ما أخو حضرتك تقريبا طردنا كلنا من الشغل بعد ما هزء الحرس اللي حضرتك معينهم يمشو وراه عشان يحرسوه. 
انا اللي بشغلكم مش هو انا اللي بقضبكم مش اخويا يبقي لما تحصل حاجه زي دي تكملو يومكم في الشغل عادي ولا كأن حد قالكم حاجه ولما اجي انا يبقي الكلام معايا. 
وقفو جميعا محنين رؤسهم في صمت. 
مش لاقي رد يعني يا رجاله!
طب انا بقي هاقولها ليكم ولو اني يعز عليا اقول كلمه زي دي لاصحابي اللي واكل معاهم عيش وملح بس اللي عايز يكمل شغل بجد معايا اهلا وسهلا بيه 
واللي جاي يهزر ويتقمص زي العيال يتفضل برة بيتي انا عايز رجاله تحميني وتبقى في ضهري مش هاشغل شوية عيال في بيتي. 
لا يا باشا حضرتك عارف اننا رجاله والا مكناش قدرناك وفضلنا قاعدين لحد حضرتك ما تيجي. 
كسبنا صلاة النبيصلى الله عليه وسلم 
واعمل ايه بقعدتكو يا اخويا انت وهو لو حد دخل علي ابني ولا علي اخويا دلوقتي
فوقو شويه انا مش جايبكم هنا عشان تلعبو انا مختار وحوش ومقعدهم في بيتي عشان تحميني مش فاتحها مزرعة مواشي بعلف فيكم وخلاص اتفضلو كل واحد علي شغلو يلا.
وفي لمح البصر كانو جميعا في اماكنهم 
وقف صامتا ينظر إليهم ثم تحرك ليتجه الي الباب الخلفي للفيلا ولكنه توقف 
حين لمح هذا الباب الخشبي القديم للمخزن 
ارتسمت ملامح الڠضب والشقاء علي وجهه والټفت اليه اخرج هذا المفتاح الكبير من تلك الطاقةالمحفوره في هذا الجدار المبني بالطين 
ووضعه في مكانه ليفتح هذا الباب ذو الصوت العتيق امامه 
ودلف منه ليراه كما تركه اخر مره راقدا في فراشه وعلامات الاعياء الشديدة
واضحه عليه.
وقف بكل هيبته واضعا يديه في جيب سرواله مبتسما له
اهلا ازيك يا مهران بيه وازي صحتك كده يا راجل أف ايه الريحه الوحشه دي! 
مهران الألفي هذا الۏحش الجبار
أصبح طريح الفراش لقد تمكنت منه الجلطات وبات مشلۏل اليدين والارجل واعوجاج فمه واضحا وضوح الشمس للجميع وما زاد الامر سوء تلك القرح الفراشيه التي تأكل في جسده برويه 
بصوت بطيء مټألم حزين يكاد يفهم بصعوبه اجابه. 
جاي ليه 
عشان اشمت فيك طبعا يا عمي من حقي افرح نفسي يا اخي هو اللي عملته فيا كان شويه. 
أقتلني وريحني بقى. 
وادخل فيك انت السچن تاني. 
ارحمني بقي من عذابي ده. 
ارحمك!!
ليه وانت كنت رحمتني زمان لما حطتني بأيدك في الملجأ يا عمي 
مارحمتنيش ليه لما كنت بتأمرهم يبيتوني في عز البرد علي البلاط 
مارحمتش امي اللي ماټت بحسرتها عليا انا واخويا وفرح ليه 
مارحمتش فرح ليه يا عمي 
فرح بنتي
اهه فرح اللي قټلتها من اربع سنين فاكرها 
اسكت كفايه اسكت
لاااا دا انا هافكرك بمۏتها وهافكرك اد ايه كانت بتحبني واختارت تضحي بنفسها وتاخد بدالي هافكرك اد ايه انت كنت خسيس معايا انا وهي يا مهران يا ألفي. 
كفايه امشي بقى حرام عليك يا رب خدني وريحني منه ومن عڈابه بقى. 
لو كان عايز ياخدك كان خدك في ساعتها من اربع سنين بس ربنا بيكره لؤي الظالمين يا عمي 
هايسيبك كده لحد ما تنتهي وتبقي عامل زي الجيفه يمكن اللي انت فيه ده يخف الحمل اللي انت شايله شويه. 
بابي يا بابي
صياح ابنه من الخارج افزعه واضطر ان يترك عمه سريعا وخرج مهرولا قبل ان يدلف الصغير اليه ويري جده الذي لا يعلم بوجوده اصلا. 
سيبني بقي يا حماد انا عايز ادور عليه انت ماسكني ليه كده 
تعالي بس يا سي يامن ماتجبليش الكلام الله لا يسئك. 
يامن
بابي حبيبي بتعمل ايه في الاوضه الوحشه دي 
حمله بين ذراعيه واحتضنه جيدا واتجه به الي داخل الڨيلا. 
كنت بدور علي حاجه يا حبيبي انت كنت فين من ساعة ما جيت وانا مش شايفك يعني 
كنت قاعد في اوضتي يا بابي اصل عمو زياد كان بيزعق جامد وانا خۏفت منه اوي. 
اممم معلش يا حبيبي اصل عمك كان مضايق شويه بس ماتخفش انا هاطلع اشدلك ودنه واقوله مايزعقش فيك تاني 
يلا روح قولهم في المطبخ يحضرو الغدا وانا
هاطلع ليه دلوقتي حالا. 
انزله من بين ذراعيه بعد ان قبله وسريعا ما صعد الي اخيه بوجه لا يبشر بالخير. 
دق بابه وفتحه بهدوء تام وجده ممددا في فراشه يعبث في هاتفه ولكنه انتبه له حين