روايه بقلم هدي سليم
حضرتك فاضى من الساعه اتنين لأربعة
قال هايل ابعتى الرد أن العقود هتتمضى فى اجتماع بكره الساعه تلاته بالظبط
وتم ما أمر به
وبعد قليل قال لها اطلبيلنا قهوه بقى
ابتسمت آيه وقالتشكرا يا فندم
بس انا مش عاوزه
قال لها ليه
قالت لأنى مش هشربها بره
فابتسم وقال لهالا خلاص هسيبك تشربيها هنا
ودى اول مره تحصل
وشربتها معه وهى تسأله عن هذه الصفقه
تعجب من كثرة اسئلتها وقال لها على فكره انتى بتسألى في حاجه مش مطلوبه منك تعرفيها
المطلوب منك تقريلى وتكتبيلى فقط لا غير
قالت بهدوء اعزرنى حضرتك انا احب أفهم اللى بعمله مش يمكن يكون عندى رأى مفيد لحضرتك
ضحك معتز بصوت عال كأنها قالت نكته انتى يا بتاعة
علمت أنه يستهزئ لكنها قلبتها ضحك وقالت بخفه
سبحان الله يوضع سره فى أضعف خلقه
ابتسم معتز وقال لها شكلك فضوليه أوى
قالت آيه عن إذن حضرتك فى حاجه تحب اضيفها لتعليمات بكرة بخصوص الاجتماع
ظل معتز يمليها ما عليها فعله وتجهيزه للغد
انتهى يوم العمل وكانت هذه اول سكرتيره تخرج من
مكتبه مبتسمه كان هناك من راهن أنها ستخرج باكيه
والكثير من الأحداث الدراميه المتوقعه
لكنها فاقت كل توقعاتهم أن تخرج مبتسمه
انها إذن فولاذيه
عادت لبيتها وهى سعيده للغايه ونسيت أمر ملابسها التى ترتديها
زوجة أبيها يا لهوى ايه دا يا بت جبتى الهدوم دى منين
قالت آيه استلفتهم من واحده صاحبتى كان عندنا اجتماع مهم ولازم اللبس ده وانا ما عنديش
جلست تفكر فى تلك الورطة لو علمت أنها اشترتهم ستعلم أنها تدخر مالا من وراء ظهرها تعجبت ايه هى التى تعمل لكنها لا تستطيع أن تفعل بمالها ما تريد
فنظرت لنفسها فى المرآه وقالت انا مش ضعيفه قدامها بس مش عاوزه مشاكل علشان خاطر بابا
وجدت هاتفها يرن الو ازيك يا غاده عامله ايه
اخبرتها ايه بكل شئ حدث
فقالت لها الواد ده شايف نفسه اوى هو حلو يا بت يا آيه
قالت لها مش عارفه
قالت غاده اطلعى من دول يا بت دانا اللى مربياكى
قالت آيه بجد مش عارفه كان دمه تقيل اوى بس ضحكته تجنن ممكن نقول أنه وسيم بس مغرور اوى
قالت غاده شطارتك بقى تشنكليه
قالت غاده هو انا بقولك بوسيه لاسمح الله
قصدى قريبه منك وعلقيه بيكى الواد أعمى يعنى مش هيفرق معها وشك فهمتى قصدى
قالت آيه بغيظ حظك انك بعيد عن ايدى كنت آدبتك على الكلمتين دول انا أما اتجوز هيكون علشان حبيت
قالت غاده طيب وانا بقولك اكرهيه بالعكس يا عبيطه
دانتى تموتى فيه وفاللى جابوه
قالت آيه انا ليه بكلمك اصلا سلام لا من غير سلام
ثم أغلقت الهاتف وهى تفكر ايعقل ماقالته غاده كيف تراها هكذا
ظلت تفكر فى حل لموضوع الملابس
فقررت أن تخرج من المنزل بملابسها العاديه لكن تذهب مبكرا قبل وصول الموظفين وترتدى ملابسها فى الحمام وتغادر بعد انصراف الموظفين بعد أن تغير ملابسها وهكذا تبتعد عن لسان زوجة أبيها فهى لم تخبرهم أنها
تركت عملها فى مكتب المحاسبه حتى تستطيع ان تدخر لعمليتها
لذلك ستحافظ على عملها وتجتهد كى تظل فيه
لكن ماذا سيحدث فى اجتماع الغد
الفصل السادس
تعجب حارس الأمن من تلك التي تقف أمام البوابه مبكرا هكذا وسأل اى خدمه حضرتك
قالت آيه وهى تضحك على ذلك الوضع الذى كانت فيه
صباح الخير إسمك إيه
رد عليها وقال اسمى على حضرتك اى خدمه
قالت له أنا آيه سكرتيرة معتز بيه وعندى إجتماع مهم اوى وفى شغل لازم اخلصه ضرورى
على بس لازم افتش الشنطه اللى معاكى واشوف الكارنيه بتاع حضرتك
قالت له دى هدوم أصلى ساكنه بعيد اوى وبركب مواصلات وخفت هدومى تتبهدل علشان كده هلبس جوه بس أرجوك يا على ما حدش يعرف دى شركه كبيره وانا مش عاوزه شكلى يبقى وحش قدام الموظفين وبالنسبه للكارنيه هستلمه النهارده انا أصلى جديده
ضحك على وقال اتفضلى ادخلى وفتح لها الباب الزجاجى الكبير حمدت الله أنها اول الواصلين دخلت إلى الحمام بدلت ملابسها ووضعت ملابسها الأخرى فى الحقيبه ووضعتها فى مكتبها أعدت كل ما طلبه معتز وجلست تنتظر قدومه أتت السكرتيره الأخرى وتدعى سميره كانت سمراء رقيقه الملامح وخفيفة الظل تعجبت من وجود ايه
سميره صباح الخير انتى جيتى تانى
قالت آيه صباح الخير الطبيعى إنى أكون هنا النهارده مش أجازه
قالت سميرةلا مش طبيعى اللى قبلك كانوا تانى يوم يستقيلوا
قالت آيه لا اطمنى انا قاعده
ضحكت سميره وقالت أشك اللى تشتغل مع معتز تبقى جدعه لو كملت أسبوع لا يومين
قالت آيه انا لسه ماشوفتش حاجه تخلينى امشى
قالت سميره استنيتك تيجى تشربى قهوتك معايا هنا بس ما جيتيش
قالت آيه انا شربتها فى المكتب
قالت سميره بتعجب ازاى كلهم كانوا بيشربوها عندى دا ما بيطقش دبان وشه لازم تقوليلى عملتى ايه
ضحكت آيه وقالت هبقى اجى نشربها سوا ونتكلم
قالت سميره النهارده هيبقى يوم تاريخى
تعجبت ايه وقالت ليه خير
قالت سميره انتى مستقليه بنفسك دا الشركه كلها كانت مقلوبه بسببك امبارح
قالت آيه إيه السبب يعنى
وقبل ان تكمل سميره دخل السائق ومعه معتز
فقالت آيه وهى تأخذ يد معتز صباح الخير يا فندم وأخذت الحقيبه من السائق كانت تشعر بتوتر من لمسها ليده ربما هو أيضا شعر بشئ لكنه لم يكن ليهتم بذلك
قال لها خلصت اللى طلبته منك ولا واقفه ترغى مع سميره
اغتاظت من فظاظته كثيرا لكنها قالت بهدوء طبعا يا فندم كل شىء تمام
قال معتز لحقتى ! ليه انتى هنا من امتى
قالت ايه من بدرى حضرتك
قال لها ليه
قالت له أنا بحب أخرج بدرى قبل الزحمة
عن اذنك اطلب القهوه لحضرتك
لكن عامل البوفيه لم يرد عليها فذهبت إليه فوجدت الكافتيريا مغلقه ماهذه الورطة سألت أحد أفراد الأمن فأخبرها أن المفاتيح موجوده مع مسؤل أمن الطابق ذهبت آيه له واخبرته أن معتز يريد قهوته وعامل البوفيه لم يحضر حتى الآن فأسرع وفتح الكافتيريا وقال لها لو تعرفى
فقال لها بعدما أخذ منها رشفة مين اللى عمل القهوه دى
ردت بتوتر انا أصلى حبيت اعملها لحضرتك النهارده
فابتسم وقال من هنا وجاى تعمليهالى كل يوم
فقالت له وقد زال توترها بس كده تحت أمر حضرتك
قال لها انتى هتقفى ترغى كتير هاتى التقارير علشان اشوفها قبل الاجتماع
قالت له التقارير على المكتب يا فندم
قال لها وهو يشعر ببعض الخجل وأنا يعنى شايفها أبقى اتكلمى
ردت آيه وقالت خفت حضرتك تتعجب عليا وتقولى انى رغايه تانى
قال لهاما تخافيش مش هكلك
مر الوقت بين شد وجذب واقترب موعد الإجتماع فسألته وقالت لسه نص ساعه على الإجتماع وكل حاجه مترتبه تمام استأذنك اشرب قهوتى مع سميره
فقال لها انتى هتشربى قهوتك معايا هنا روحى واعملى ليا فنجان دوبل وتعالى نشربها سواعلشان هناقش حاجات مهمه قبل الاجتماع
تعجبت منه لكنها أسرعت للكفاتريا وقابلت عم بيومى اللذى شكرها على صنيعها معه فى الصباح أخذت القهوه وصعدت بها إليه وشرباها سويا وهما يتحدثان عن بعض النقاط المهمه فى الصفقه الجديده عن حجمها وأهميتها وربحها. ....إلخ
ثم اخبرها انهم فقط من سيحضر الإجتماع
فقالت له إزاى يا فندم لازم يكون المحامى موجود يتأكد من مطابقة البنود والشروط للاتفاق اللى هيتم وكل ده يتسجل فى العقود
قال لها انا مش عاوز حد يدخل فى الصفقه دى
انتى هتقريلى العقد قبل ما امضيه
جاء العملاء وتم
الاتفاق على كل شيء وكانت هى تقرأ له العقد فوضع العميل أمامها شيك به مبلغ مكون
