براءه بين الاشواك
تتكلمى معايا هو أنا مزعلك وأنا معرفش....
طالعته ثريا هاتفه باقتضاب
أسأل نفسك.. شوف أنت بتعمل فيا أيه...
قطع حديثهم دخول والده جمال الهلالي قائلا
مساء الخير ياجماعه.. متجمعين عند النبى..
رد الجميع التحيه بحبور
نظر جمال ل ثريا مستفهما
مالك ياحبيبتى شكلك مضايق ليه.. ده حتى ولاد حنين لما بيكونوا موجودين الضحكه مش بتفرق وشك...
أسأل ابنك..
هاتفا بمشاكسه
يعنى ياسوسو أهون عليكى تزعلى منى فى يوم مفترج زى ده .. ده حتى أنا جيبلك خبر بتستنيه من زمان..
تحدث واستدار يغمز لوالده فى إشاره منه أن ما تحدث معه بشأنه قد حدث ونال المراد أوما جمال له بسعاده وانتظر يستمع لحوارهم باستمتاع من فرحة زوجته التى غزت روحها....
سألته بلهفة
واد ياليث أوعى ياواد يكون اللى فى باللى.. لحسن لو بتحور عليا أنا ممكن اطب ساكته....
پخوف أجابها
ربنايخليك ياامى.. متقوليش كده العمر الطويل ليكى ياحبيبتى.. أومال مين اللى هيربى العيال اللى جايه فى السكه...
ضوت السعاده على محيا ثريا هاتفه بغبطه
أومأ ليث برأسه على صحة ما فهمته هاتفا بسعاده
حصل ياأمى.. لقيت نصى التانى اللى كنت بدور عليها.. وهتيجى معايا بكرا نخطبها.. بنت غايه فى الأدب والأخلاق والجمال حاجه كده من الزمن الجميل اللى مش موجود دالوقت..
آه لو بعرف ازعرط كنت ماليت الدنيا زغاريط...
عقب عليها ليث
لا من حيث الزغاريط المتهوره صاحبتها قامت بالواجب...
باستفهام سألت ثريا
هو أنت طلبت أيديها قدام صاحبتها.
من قبل ما تقولنا....
ضحك
ليث باستمتاع
لا ياست الكل.. أصل صاحبتها هتبقى خطيبة آدم.. ماهو أحنا وقعنا فى اتنين أصحاب.. زى أنا وآدم بيحبو بعض جدا وبيخافوا على بعض بشكل مش معقول.. حتى فرح خطيبة آدم كان أهم من فرحتها بجوازها من آدم أنه مش هتفارق صاحبتها وديما هيكون مع بعض زى عادتهم ديما....
يامحاسن الصدف.. وعملتوها دى ازاى يانمس منك ليه....
استقام ليث وجلس جوارها وأجابها بانتشاء
الموضوع ياست الكل ان البنتين بيدرسوا فى كلية الهندسه وكانوا من ضمن الطلبه اللى بشرف على مشروع تخرجهم النهارده...
قرصت ثريا وجنته بدعابه هاتفه
آه ياخلبوص قول بقى أنكم حاطبن عينيكم عليهم من زمان..واحنا نايمين فى العسل.....
أنت تقعد كده وتحكيلى حكايتها من طقطق لسلاموا عليكم....
ليث بأمه وأبيه وأخته وصغارها وأخذ يقص عليهم كيف بدأت معرفته ب حياه بعد قليل تنهد براحه عندما انتهى من إخبارهم ورأى السعاده والقبول منهم على وعد أن يأتوا معه لطلب خطبتها فهذا اليوم طال انتظاره ولكن ثريا بداخلها توجس من تلك الفتاه ترى ما سببه......!!.
حيث الأجواء الساكنه شبيه لحياتها الراكده منذ ۏفاة زوجها تجلس على سجادة الصلاه تناجى ربها وهى تتجرع مرارة الفراق ملجأها الذى افتقدت الأمان من بعد رحيله تزرف الدموع حزنا علي ابنتها العصفوره البريئه التى بيديها كسرت جنحاتها الرقيقه ومنعتها أن ترفرف للأعلى تسبح فى عالمها وتعيش بحريه وسلام تستمتع بسنها كمثيلاتها من الفتيات تنهر نفسها أى جرم فعلته بابنتى الوحيده ظلت هكذا دموعها الشاهد الوحيد على آلام ما صنعت يدها وجنته ابنتها مرء بعد الوقت و استمتعت لصرير احتكاك إطارات سيارة ابنتها مسحت على وجهها تكفكف دموعها حتى لا تحزن ابنتها يكفى ما تعانيه من تحت رأسها واعتدلت تستند بظهرها على حائط الغرفه تنتظر هبوب نسماتها العطره التى تنعش قلبها.....
بسعاده أطلت حياه على غرفة والدتها تدندن فرحه ولجت تنادى
صفيه ياجميله وحشتينى وحشتينى وحشتينااااااى
تهللت أسارير صفيه للسعاده التى تزينت بها ملامح ابنتها مسدت على شعرها بحنو
وردت عليها بغبطه
قلب ماما وأنتى بتوحشينى وأنتى قصاد عينى..
تابعت بحب
بس خير اللهم اجعله خير شايفه الفرحه هتنط من عينيكى.. يارب تكونى اتوفقتى فى المقابلة بتاعة شركة الهلالى....
خلعت حياه عنها حذائها وألقت الحقيبه على فراش أمها وافترشت أرضا جوارها وامسكت يدها تلثمها بقبلات عطوفه محبه رفعت رأسها تنظر لها بنظرات جديده عليها
هاتفه بنبره مبتهجه سعيده
أنا فى أقصى أحلامى كنت عارفه انى هقبل لان وقع عليا الاختيار ساعة مناقشة المشروع..
تابعت بعدم تصديق
لكن اللى مكنتش أتخيله ولا يجى على باللى أنه يتحقق فى يوم من الايام.. أن صاحب أكبر شركة مقاولات فى البلد.. وأجمل راجل فى الطبقه المخملية يسيب كل البنات ويجى يطلب أيدى للجواز...
فاضت دمعه من مقلتيها لتفر هاربه تفضح مكنون ما تشعر به
مش مصدقه نفسى ياامى.. بقى أنا حياه اللى بتخجل من نفسها اللى پتخاف من ضلها يحبها راجل زى ليث وھيموت عليا ومتسربع وكان مصر يجى معايا البيت يتعرف عليكى ويجيب اهله ونكتب الكتاب النهارده..
أنا النهارده كنت كأنى قاعده بتفرج على فيلم سينمائي وانا بطلته يالهوى يانى حرفيا كان نفسي اختفى من الكسوف والخجل.. أنا لحد دالوقت مش قادره استوعب أنا قاعدت معها لوحدنا ازاى.. وازاى قدر ياخد منى موفقتى.. قد أيه كان حنين وصبور عليا.. قد أيه كان متفهم خجلى..
