رواية الخذلان مني محمود
الحمد لله انتي عامله ايه
نرمين ... عادي لا جديد بس بفكر لما نرجع من الساحل انزل مع بابا المكتب اشتغل اي حاجة بدل الزهق دا
عمرو ... فكرة كويسة لو حبة تيجي معايا المعرض ممكن اشوفلك حاجة اداريه خفيفة بردو
نرمين ... تمام هتكلم مع بابا وارد عليك
عمرو ... طيب انا هقوم العب مع ادم شوية وارجعلك
عمرو خد ادم و راحو ع منطقة الألعاب و انا تلفوني رن تاني بنفس الرقم اللي من الصبح بيرن و اخيرا قررت ابطل هروب و رديت
نرمين ... الو
اسلام ... اخيرا رديتي ينفع كدة يعني نبقي بنتكلم و تقفلي و تعمليلي بلوك كمان ليه كل دا عشان طلبت اشوفك انتي في الاول والاخر بنت عمي عىفكرة و اصلا كنت هفاتحك في اني عايز ارجعلك بس انتي مدتنيش فرصه ل دة
اسلام ... يعني نتجوز يا نرمين
نرمين ... نتجوز ! و منة
اسلام ... نرمين انا مشاكلي مع منة العيلة كلها عارفاها منة مهمله فيا و في ولادي جدا اهم حاجة عندها هي وبس شغل البيت خدامة بتعمله و العيال ماما اللي مراعياهم هي من نادي ل الكافيه ل للفون اللي مش بيسيب ايديها وانا مش موجود الا وقت ما تكون عايزة فلوس وبس انا محتاجك جمبي ندمت والله ندمت و عايز نرجع وهي حرة انا مش هظلمها وافقت وتفضل زي ماهي تمام موفقتش يبقي ننفصل وكل واحد يشوف حياتة انا مش هقدر اكمل كدة انا محتاجك يا نرمين
اسلام ... هسيبك انهاردة تفكري وبكرة هكلمك وياريت تردي عليا و لو موافقه و اتمني فعلا دا هنتجوز فورا من غير اي تأجيل مني والله
نرمين بتردد ... بس بس بابا مش هيوافق دا يادوب إلى أنهاردة هيروح يشوف باباك بعد كل سنين المقاطعه دي هنرجع كدا المشاكل بينهم تاني
اسلام ... لو انتي
نرمين ... ماشي يا اسلام بس مش هرد عليك بكرة انا مسافرة بكرة معاهم سيبني افكر بهدوء ولما ارجع هرد عليك اوكي
اسلام ... اوكي بس هقولك حاجة واحدة بس قبل ما اقفل جوازنا دا هو الصح انتي مش هتخديني منها لانها هي ال خدتك مني سلام يا ست البنات هتوحشيني باي
عمرو ... بتضحكي ع ايه
نرمين .. ابدا افتكرت حاجة بس ايه لعبتم خلاص
عمرو ... اه والاستاذ جعان رجعنا عشان نتغدي
نرمين ... اوكي يادوب اصلا نتغدي والحق اروح عشان ينام عشان سفر بكرة
عمرو ... تروحو وترجعو بالسلامة
وروحت وانا مبسوطة هو فعلا انا ممكن اكون لاسلام من تاني ابقي مراتة و نعيش سوا وكل الاحلام اللي كنت ببنيها معاه زمان ترجع تاني و تتحقق كمان وسافرنا و اسلام كان كل يوم يتصل بيا ويعرفني قد ايه هو محتاجني جمبة واد ايه انا وحشاة غير الرسايل اللي بيبعتهالي كل شوية واللي ادمنتها ومبقتش اعرف اقعد الا لما اسمع موبايلي بيرن بصوت رساله و اقراها ولاقيت نفسي قبل ما ارجع ببعتلو اقولو اني موافقه بس هو اللي يقنع بابا و ماما لأن مش هقدر انا اقنعهم وهو كان طاير من الفرحة بموافقتي واول ما رجعنا بابا جاله تلفون أن عمي تعب اوي واتنقل المستشفي و جرينا كلنا معاه ع هناك و اول ما وصلنا حسيت أن الجو غريب مرات عمي بتبصلي بصات عتاب و اسلام مش طبيعي
عبد الله ... في ايه انا سيبة قبل ما اسافر كويس اي اللي حصل
اخلاص مرات حسين ... يعني نرمين مقلتلكش
عبد الله بدهشه ... نرمين لا مقالتش هي نرمين تعرف حاجة انا معرفهاش ولا ايه
اسلام ... ماما مش وقتة ولا مكانة اللي بتعمليه دا
عبد الله بعصبيه ... ما حد يرد عليا ويفهمني في اية
اخلاص .. اسلام و نرمين اتفقو علي الجواز يا حج
منال بسخريه ... يا سلام خلاص مش لاقيه سبب تقوليه غير الهبل دا
اخلاص ... الله يسامحك يا منال مش هرد عليكي بس هي دي الحقيقه اللي حسين اول ما سمعها طب تاني بعد ما اتحسن وبقا كويس
عبد الله بص ل نرمين پصدمة ... الكلام دا صح
نرمين پبكاء .. ب بابا
عبد الله ... انطقييييي
اسلام وقف قدامة ... اه يا عمي صح انا عايز اتجوزها علي سنة الله ورسوله ايه المشكلة في كدة ليه كلكم مصډومين مش فاهم
عبد الله ... انا مليش كلام معاك انا بسال بنتي الكلام دا صح ولا لا
اسلام لف ل نرمين ... اتكلمي يا نرمين مش هينفع اتكلم لوحدي كدة انا متمسك بيكي و عايز اتجوزك عايزك مراتي انتي موافقه ولا
