حكاية الورد بقلم هالة احمد
أفهمه
هتودي نفسك في داهية والله
نفسي وأنا حرة فيها
انا العزيز في أعين من يراني في عينيها ذليل
أنا الثابت الصامت عن الهوي وإن كان الهوي في الفؤاد عويل ..
زينب رفضت تيجي معايا له كل يوم وسابتني أروح لوحدي
بقيت بروح لوحدي فعلا وكنت متوترة جدا أول مرتين أروحله فيهم وماتكلمناش فيهم خااالص كل اللي بيحصل إني بقعد قدامه وهو بيبص عليا وعاللوحة ويرسمني وبس كدة ..لحد تالت مرة كنت قاعدة قدامه ..وهو كان بيبص في عنيا كان بيرسمهم ..أما أنا كنت ببقي محرجة جدا ومكسوفة ..
بإحراج حاضر
إنتي إسمك إيه !
فرحت أووي إنه سألني عن اسمي يمكن دي تكون البداية ..
هدير
أهاا ..في سنة كام !
تالتة
بتحبي الورد !
إستغربت من السؤال جدا ..
أيوة بحب الورد
وبس كدة مااتكلمش تاني ..وقعدنا ساكتين وهو بيرسم في عنيا مش عارفة إزاي سرحت فيه وهو بيرسمني ..
عيونك بتلمع ليه وإنتي بصالي !
بتوتر بالغ لا خالص ..أنا ..أنا بس ..
مقاطعا وقتك خلص أشوفك بكرة
بتصدم من أسلوبه كل مادي أكتر قومت من غير ماأقول حاجة خالص هو الأحسن إن وقتي خلص عشان أتخلص من توتري دا ..بس هو معقول عيني بتلمع لما بشوفه ! معقولة !! يادي النيلة علياا ..
تاني يوم روحتله في نفس معادي ..قعدت قدامه من سكات لكن هو رفع عينه بصلي شوية وبعد كدة طلع من جيبه وردة ..
إيه دة !!
آيس كريم ..هو ايه اللي ايه دة ! مش شايفة إنها وردة
أيوة بس هي لياا !
في حد قدامي غيرك !
ابتسمت وفرحت أووووي أووووي ومديت إيدي أخدت الوردة منه وهو بدأ يرسم كنت مبسوطة وقعدت أرسم أحلام في خيالي من الوردة دي و....آآآآآآآآه ..
كان في شوكة في الوردة ماخدتش بالي منها وجرحتلي صباعي ..أما هو أبتسم لما سمعني بتوجع وماشالش عينه من عاللوحة وقالي ..
إيه دة !!!! أنا بدأت أخاف ..دا قاصد يجيبلي وردة فيها شوكة وتجرحني ..مااتكلمتش عشان مافهمتش حاجة بعد كدة طلع منديل من جيبه وودهولي ..وكمل رسم وأنا مستغربة
جدا ومش فاهمة حاجة ..
إفردي وشك مااتكرمشيهوش كدة
هو مسكن الروح وهوي الفؤاد هو هنا
قد عز علي الفؤاد غيبته وعلي فؤاده هنت أنا ..
كملت أيامي بروحله ..بدأ يكون فيه كلام بينا وضحك كمان ودي كانت حاجة غريبة من واحد زي عبدالرحمن ..
بفرحة بجد !!! وريني وريني
اتفضلي شوفي
وراني اللوحة ..للوهلة الأولي خطفتني اللوحة كنت فيها بضحك وحواليا ورد كتير ..للحظة افتكرت كدة بس لما دققت في اللوحة كويس لقيت ان انا بضحك ااه بس الورد اللي حواليا خانقني وبقيت بقاومه ومش عارفة والمقاومة باينة علي وشي كإنها ضحكة ..اټصدمت جدا هو ليه راسمني كدة ! إيه الإنسان الغامض دة ! ..مااعرفتش أقول إيه ولا أسأله هو ليه راسمني كدة !! ..فافضلت السكوت ..
وخدها وكتب عليها بياع ورد ..الإمضا بتاعته ..
بإبتسامة بياع الورد ..بحب لقبك دة أووي
بياع ورد ..أنا بياع ورد مش الورد
فرقت يعني الألف واللام !
يووووووه تفرق كتييير
اممممم طب ليه بياع ورد ! ليه اللقب دة !
عشان أنا بعت ورد زمان
يااااه كنت بتبيع الورد زمان
ورد ..ورد مش الورد
مش فاهمة أنا إيه الفرق
بتنهيدة ولا عمرك هتفهمي
طب مااتفهمني إنت
ااه أصل أنا فاضيلك يلا وقتك خلص
بضيق ياساتر عليك ياساتر ياساتر
بضحك يلاااااااا
خدت اللوحة ومشيت كنت فرحانة رغم غموض اللوحة اللي مش مطمني ليه
