أسعد قلبى بصوته

اوي و انا كمان اتكسفت لكسفته يووه وبدأت أعيط 
مريم خلاص خلاص ماتعيطيش تعالي روحي اعتذري له و قولي له لو حابب انك تعتذري في السكشن انك موافقه ماشي ..
تفتكري هيسامحني طيب 
اه باذن الله يلا بس 
وروحنا فعلا لحد المكتب بتاعه وبخبط اول خبطه ...
يتبع ...
البارت الثاني. 
و روحنا فعلا لحد المكتب بتاعه وبخبط اول خبطه لاقيت الباب اتفتح ولاقيت بنوته خارجه من عنده شعرها قصير وناعم عندها غمازات بشرتها بيضا و لاقيتها بصلتي پغضب وقالتلي هو أنت ! أنت ايه اللي جابك هنا ! قولتلها افندم !وهو يخصك في ايه مش فاهمه وبعدين أنت بتتكلمي معايا كده ليه .. قالتلي يخصني انك واقفه قدام مكتب خطيبي .. بصيت ل مريم وبعدين بصيت للبنت وقولتلها احنا هنا في الجامعه وهو الدكتور بتاعي ومن حقي اني اتكلم معاه وانتي مش من حقك تقوليلي أنت بتعملي ايه هنا لاني مش واقفه قدام شقة حضرتك يعني بصلتي بغيظ و كانت هتتكلم قاطعها صوت سليم و هو بيقولها خلاص يا مروة تقدري تمشي أنت دلوقتي .. راحت بصلتنا بغيظ ومشيت ..
سليم نعم .. أقدر أساعدك في حاجه 
سلسبيل لأ .. قصدي أه .. المساعده دي انك تقولي انك مسامحني بعد ما اعتذرلك .. ماشي !
سليم أنت غلطانه و بتتشرطي كمان !
سلسبيل لا مش غلطانه 
سليم ولما أنت مش غلطانه جايه تعتذري ليه !!
سلسبيل علشان غلطت فيك و ماكنش ينفع لأنك الدكتور بتاعي وكده يعني .
سليم أنت عبيطه يا بنتي
سلسبيل طب وليه الغلط ده طيب شوفت أنت اللي غلطت فيا أهو 
سليم يلا يا بت من هنا ب إبتسامه خفيفه كده 
سلسبيل خلاص طب ماشي انا أسفه طب 
سليم خلاص ياستي ماحصلش حاجه ولو إحتاجتي اي حاجه ابقي قوليلي . 
سلسبيل شكرا بجد لحضرتك انك قبلت أسفي .
سليم الشكر لله .
سلسبيل عن إذن حضرتك سلام الله عليك .
سليم و عليك السلام .. صحيح أنت أسمك أيه قصدي أسمكوا ايه 
مريم وليه ده انا كنت حاسه اني شفاف خالص ع العموم هي إسمها سلسبيل وانا مريم .
سليم ماشي يا لمضه يلا شوفي أنت رايحه فين 
مريم بصوت خفيف كده سليم مش سامعه بتقول ل سلسبيل شكله خد عليا جامد ايه ده مش كده وضحكوا هما الاتنين و حيوه و مشيوا .
اليوم خلص و مريم و سلسبيل روحوا .. سلسبيل دخلت البيت وكانت فصلانه من الدربكه اللي حصلت لها دي .. بس كانت مبسوطه وحاسه بحاجه غريبه مش قادره تحدد ايه هي .. غيرت هدومها وصلت العصر و دخلت تنام ...
ع الجانب التاني سليم بيروح وهو بيفكر في سلسبيل وبيفتكر اللي حصل النهارده وهو شارد بيفوق ع صوت موبايله مروه بتتصل بيه و بتقوله ايه يا سليم ماجتش ليه 
سليم معلش يا مروة نسيت .
مروة نعم ! نسيت .. نسيت تيجي تشوف خطيبتك .
سليم بضيق النهارده اول يوم ليا في الشغل وكان في ضغط المفروض تخلي عندك ډم و تحسي بيا شويه
مروه معلش يا حبيبي والله اصلك بقالك كتير ماقعدتش معايا وانت وحشتني اوي 
سليم بيكلم نفسه ويقول وحشتك عقربه يا شيخه وبعدين بيعلي صوته وبقولها ماشي يا مروه لما افضى شويه هبقي اكلمك ونتقابل .
مروة ماشي يا حبيبي تصبح على يوم تلاقيني فيه جنبك 
سليم ماشي سلام .. وقفل السكه وقال تصبحي تلاقي

جنبك عقربه تقرصك واخلص منك بقي 
تاني يوم وقت أذان الفجر صحيت سلسبيل و أدت صلاة الفجر و