قصه كامله
اللي حصل
مراد قوليلي الاول ليه قاعدة في بيت مامتك مش قاعدة مع مهاب
سارة بحزن عادي علشان متقلش على حد وبعدين علشان اتعود على الوحدة علشان لما اسافر مزعلش
مراد اممم طيب اعملي في حسابك هاتقعدي هنا مع بنتك لغاية ما تتجوز وبعدها سافري
سارة بدموع انت بردو عاوزني اسافر
مراد سافري علشان الحياة ما بينا مستحيلة سافري علشان انتي ترتاحي وانا ارتاح وكل الموجودين يرتاحو
سارة پبكاء ليه يا مراد هو انا بسبب الاذى للكل
مراد بعصبية ايوة انتي مسببة الاذى للكل يا سارة امبارح كان خطوبة آسر قفلت على حاجة غم وهي ايه ان حضرتك اتخطفتي ومين السبب بردو انتي انتي اللي روحتي اتعرفتي على واحد مريض نفسي انتي اللي بردو كنتي هاتحطي بنتك في موقف صعب لو حصلك حاجة انتي اللي كنتي هاتبوظي فرحتها كله بسببك
سارة ياااه يا مراد انا طلعت
مراد بعصبية ولا كلمة ماشي مبقتش عاوز اسمع صوتك واسمعي انتي مش هاتخرجي برا البيت دا فاهمة والا لأ مش هاتطلعي الا لما تسافري وتجوزي بنتك زمان انتي كسرتيها وبعدتيها عني مش هاسمحلك تكرري عملتك وتسافري قبل جوزاها وتزعليها اعقلي بقى واكبري
سارة مسحت الدموع ماشي يا مراد انا هافضل علشان خاطر بنتي هاطمن عليها واسافر
مراد وهو خارج من الاوضه يبقى احسن بردو
سارة قامت بتعب دخلت الحمام غسلت وشها وبصت لنفسها في المرايه لفت انتباها علامه زرقه فى رقبتها اتخضت حاولت تفكر ممكن يكون فريد ولا مراد طلعت بسرعه لمراد
سارة مراد مين اللى عمل العلامه اللى في رقبتى دى
مراد مش عارف
سارة پصدمه ياعنى ايه ياعنى دة فريد فريد لمسنى
مراد لأ فريد مش لمسك
ومحدش يقدر يلمسك
سارة ياعنى دة انت
مراد لا بردوا روحى لبنتك طمنيها عليكى
في بيت الچارحي
عز ياماما انا كويس والله كفاية عياط بقى
ليليان قصرت فيك يا روحي
مراد يا امي والله انتي خلصتي دموعك لشهر قدام
ليليان مالكش دعوة
زين ليليان قومي غيري هدومك وانت يا مراد روح نام شوية انت منمتش من امبارح
ليليان لا هافضل مع عز
زين ياحبيبتي هو تعبان وهاياخد مسكن وينام روحي انتي ارتاحي
ليليان بتنهيدة حاضر
ليليان ومراد خرجو وزين فضل مع عز
زين ينفع اللي انت عملته دا
عز والله يابابا كنت شايفكو مشغولين وماشاء الله المشاكل نازلة ترف علينا قولت بلاش ازعجكو يعني
زين ازعاج!! يغور كل حاجة المهم انت وسلامتك عندي
عز اللي يشوفك وانت كدا يابابا ميشوفكش وانت كل شوية بتهزقني
زين انت عارف كويس انك اقرب حد لقلبي
عز حبيبي يا احلى بابا في الدنيا
ربنا يخليك ليا دا انا من الألم كنت بمۏت
زين حضنه بسرعة بعد الشړ عليك من المۏت يا عز متجبش سيرته تاني
عز حاضر يا زين الرجال
بعد مرور شهر
ليان الفستان تحفة عليكي يا ميرا البسيه في الحنة
ميرا هاتكسف انتي مش شايفة قصير ازاي
ليان ماهي كلها بنات مټخافيش وبعدين هو ابيه مراد مشوفش
ميرا بكسوف لأ من وقت ما اشتريته معاكي انتي و هنا خبيته
ليان خلاص البسيه في حنتي انا وكاميليا المهم بقى علميني الرقص
ميرا اه صح يالا هاعلمك
مراد فتح الباب بالراحة ولقاها بترقص بفستان قصير وكان جميل عليها ابتسم بمكر وقفل الباب تاني
في بيت مراد الالفي
سارة كنتي اعملي فرح يا قلبي
كاميليا ماهو احنا هانتجوز مع ليان وعمر وعمر رافض يعمل فرح علشان والدته الله يرحمها
سارة الله يرحمها
كاميليا وانا يا ماما مش هايبقى ليا نفس طول ما انتي وبابا متخاصمين
سارة متخاصمين فين انا وابوكي كويسين
كاميليا بضيق انتو مبتشوفوش نفسكو تقريبا مبتكلموش بعض كل واحد بياكل لوحده ومهما حاولت اجمعكو بردو بفشل في الاخر
سارة خلاص يا كاميليا مش تجمعينا تاني مع بعض انا قاعدة معاكو علشان مسبكيش في اهم فترة في حياة اي بنت بس بعد كدا انا هاسافر
كاميليا بدموع هاتسافري عند تيته سعاد وخالو سامر
سارة لأ مش هاستحمل عتاب ولوم منهم تاني انا هاسافر لندن هناك هارتاح اكتر
كاميليا ارجوكي خليكي معايا يا ماما
سارة انا معاكي اهو يا قلبي وبعدين هتحتاجيني في ايه ادهم هايبقى مالي عليكي حياتك وكمان بابكي
كاميليا بس انتي غيرهم انتي امي
سارة ارجوكي سيبني براحتي يا كاميليا
كاميليا حاضر يا ماما
سارة سألتي بابكي عمل ايه في فريد
كاميليا لأ سالت ادهم وقالي ان بابا بهدله وهو دلوقتي محپوس ومش هايخرج من السچن دلوقتي
سارة بتنهيدة كلها راحة الحمد لله
في شركة الچارحي
هنا لو سمحتي عاوزة ادخل لآسىر
تدخلي كدا مرة واحدة لرئيس مجموعة الچارحي وايه آسر دي اسمها بشمهندس آسر
هنا رفعت حاجبها دليل على اعتراضها انتي مالك يا عسل انا اصلا مبخادش رايك انا بعرف الحمارة اللي قاعدة على الباب
شاهي سكرتيرة آسر انتي بتشتميني طيب انا هاطلبك الامن وهاخرجك برا المجموعة كلها
هنا اتجاهلتها ودخلت لآسر اللي اول ما شافها ابتسم وبعدها اختفت ابتسامته تدريجا لما لقي دموعها
اسر مالك يا حبيبتي
هنا بدموع عاوزة تطردني برا يا آسر علشان عاوزة ادخلك
اسر بص بحدة لسكرتيرته انتي عاوزة تطرديها انتي اټجننتي دي خطيبتي
اسفة يا افندم مكنتش اعرف انك خطبت بس حضرتها شتمتني وقالتلي حمارة
اسر كتم ضحكته بصعوبة طيب روحي شوفي شغلك يالا
السكرتيرة خرجت وهنا كشرت
هنا مين البت دي
اسر انتي مش هاتبطلي لسانك الطويل دا
هنا مين اللي جاب الملزقة دي هنا
آسر العلاقات العامة اختروها علشان
شاطرة في شغلها
هنا لا اطردها واجاي انا مكانها
آسر بضحك علشان مشتغلش صح
هنا قصدك ايه ان انا هاشغلك
آسر اه الصراحة كل شوية هاعاكسك وهاضيع الشغل اللي ابويا بنى فيه سنين
هنا لا انا وقت الجد جد انت متعرفنيش
آسر قرب منها عرفيني
هنا بعدت اعرفك ايه
آسر قرب اكتر عرفيني الجد
هنا بعدت شوية ولزقت في الحيطة وحطت ايديها على صدره تمنعه يقرب اهدى يا آسر ابعد كدا مينفعش
آسر انتي اللي جايلي برجليكي والصراحة انتي وحشتيني
هنا بدلع بجد وحشتك
اسر قرب اكتر ومفيش مسافات ما بينهم اه اوي
آسر لسه هايبوسها الباب فتح مرة واحدة والاتنين انتفضو من مكانهم
زين بتعملو ايه
آسر بارتباك ولا حاجة
زين فين المشروع اللي قولتلك عليه
آسر راح على مكتبه واخد اوراق وعطاها لزين في الوقت دا هنا كانت بتهرب بعيونها من نظرات زين زين اخد الورق وميل على آسر وهمسله
ابقى اقفل الباب طيب كويس انها جت فيا انا ستر وغطا عليك بس اعمل في حسابك كتب كتابكو
مع ادهم وعمر وابقو اتجوزو بعدين
آسر باحراج احم ماشي
هنا عمو بيقولك ايه
اسر مبيقلش يا هنا قلبي يالا علشان اروحك
هنا اوك
مساءا في جناح في احد الفنادق
ميرا انت جايبنا هنا ليه يا مراد
مراد علشان نبقى براحتنا يا روحي
ميرا براحتنا ازاي مش فاهمة
مراد قرب منها غمضي عينك
ميرا غمضت ومراد قرب منها وحط قدام عينها حاجة افتحي عيونك يا ميرتي
ميرا فتحت واټصدمت لما شافت فستانها في ايد مراد وعلى وشه ابتسامة خبيثة
ميرا ااا ايه دا جبته ازاي
مراد شدها ناحيته وهمس في ودانها هاترقصيلي بيه زي ما رقصتي في اوضه ليان الصبح
ميرا بس انت بتقول ايه عيب
مراد العيب انك تخبي الفستان دا مني يا ميرتي
ميرا بتفتش في هدومي
مراد بمكر لا وسرقته كمان
ميرا بكسوف مش هارقص واعمل كدا
مراد قولي والله
ميرا بضحك يوووه يا مراد
في بيت الچارحي
عمر اه يعني انا لما اعوز اجيلك اجاي هنا وادهم اخوكي قاعدلي وآسر ناقص والله مراد علشان القعدة تحلو
ليان بضحك هانت ياعمر خلاص
عمر عمر ايه بس اقعدي انتي قولي عمر وانا اټجنن بعد كدا
ليان عمو شريف عامل ايه
عمر عامل فرح علشان هاتجوز
ليان تعرف انا مبسوطة علشان هاقعد معاه انا مبحبش اقعد لوحدي اتعودت هنا على اللمة وكدا
عمر انتي مين قالك اصلا ان هاسيبك لحظة انا هابقى زي ضلك يا ليان
ليان يعني الحب اللي جواك من ناحيتي مش هايقل بعد الجواز
عمر لا طبعا بالعكس هايزيد ليان انتي مش عارفة ان فيه مية حاجة ربطاني مخلياني مقولش كل اللي جوايا
ليان مش فاهمة
عمر مش مشكلة يا روحي هافهمك بعد ما نتجوز
ادهم لا فهمني معاكو
عمر لا وربنا كدا كتير يا جدعان الرحمة مش عارف اقولها كلمتين على بعض
في بيت مهاب
مهاب ايوة بردو ليه الاستعجال يا ماهي
ماهي ولا استعجال ولا حاجة الولد كلامه صح عاوز يخرج معاها ويبقى براحته وهي على ذمته وهو قال ان الجواز بعد ما تخلص
مهاب افرض متفقوش تتحسب عليها جوازة يا ماهي
ماهي انت شايف يا مهاب ان هما مش هايتفقوا دول بيحبو بعض وآسر هايتجنن عليها لولا بنتك منشفة دماغها عاوزة الجواز بعد ما تخلص
مهاب بضيق طيب يا ماهي بلغيه اني موافق
ماهي مالك يا مهاب
مهاب سارة مصرة تسافر لندن تاني طب زمان كان معاها كاميليا دلوقتي ممعهاش حد هاتقعد ازاي لوحدها
ماهى متخافش ان شاء الله مراد مش هايخليها تسافر امال هو
مقعدها عنده ليه
مهاب بضيق مقعدها علشان يضايقها ويغيظها ويحسسها كانها مش موجودة يا ماهي مراد مش هايرجعلها
ماهي بهدوء اللي عملته فيه مش قليل
مهاب اللي بيحب بيسامح يا ماهي
ماهي وهي مش سامحت ليه السنين دي كلها
مهاب بغيظ انتي معاها والا معاه
ماهي انا مع الحق يا مهاب
عند ميرا ومراد
ميرا نايمة في حضڼ مراد التعب بيزيد عليها والمغص بيزيد حاولت تقوم من حضڼ مراد معرفتش فضلت في محاولات انها تقوم مراد حضنها كانها هاتهرب منه اخيرا نجحت انها تقوم فضلت رايحة جاية على الحمام من المغص
ميرا في سرها طيب ايه ممكن اكون حامل طيب ايه الألم دا انا احسن حاجة اكلمهم يبعتولي اختبار حمل لا مش واحد هاخليهم اتنين
ميرا كلمت الريسبشن وطلبت منهم اختبار حمل وجابوه دخلت الحمام وعملته وفضلت الثواني في قلق مستنية النتيجة وفي الاخر طلعت شرطتين في الاختبارين ضحكت ودمعت في نفس الوقت شعور جميل باب الحمام خبط عرفت انه مراد صحي مسحت دموعها وخبت الاختبارين ورا ضهرها وفتحت
مراد بنوم قومتي من جنبي ليه يا حبيبتي
ميرا قومت علشان تعبت
مراد بقلق تعبتي من ايه
ميرا مش عارفة ألم في بطني كدا
مراد كريزة القولون تاني
ميرا طلعت الاختبارين وحطتهم في ايد مراد لا تعبت علشان دا
مراد ايه دا
ميرا انا حامل يا مراد
علشان اوقات اختبار الحمل دا يبقى في
بعد مرور خمس سنوات
ميرا بتعمل ايه يا مراد
مراد لي لي جابتلي كراسة الرسم وطلبت مني ارسملها حرب اكتوبر وبرسملها اهو
ميرا قعدت جنبه يا سلام على لي لي كله الا دي عندك
مراد طبعا لانها شبهك وشبه امي اغلى اتنين على قلبي ومعرفش بحبها اوي وطبعا بحب ادم بردو زيها اوي بس مش عارف قلبي متعلق بيها زيادة
ميرا دايما اسمع من عمتو ان البنت حبيبة ابوها
مراد بضحك اه والواد ابن امه
ميرا خبطته بخفة ايه ابن امه دي هو فيه زي دومي اصلا
مراد حط الكراسة على جنب وقرب منها طيب ايه الجميل مش ناوي على بيبي كمان
ميرا پصدمة بيبي كمان انت بتهزر هو انا قادرة على الاتنين دول لولا مساعدة عمتو ليا في تربيتهم كنت اڼتحرت
مراد بضحك اڼتحرتي مرة واحدة
ميرا اه والله
مراد شدها ناحيته مرة واحدة طب هو ينفع مراد حبيبك يسييب ميرا قلبه ټنتحر
ميرا بكسوف بس علشان علشان لو الولاد دخلو مرة واحدة
مراد مټخافيش عند جدتهم بيلعبو مستنين عز يجي من السفر
ميرا طيب بردو اوعى يا مراد
مراد لأ مش هانطلع من الاوضة دي الا واحنا جايبين نونة صغيرة
لادم ولي لي
ميرا على فكرة بقى دا قرارنا احنا الاتنين مينفعش تاخد قرار كدا من غير رأي
مراد بمكر منا قولتلك اهو حتى انتي وافقتي
ميرا انا وافقت فين
مراد قولتي من شوية ماشي يا مراد انا موافقة
ميرا اوعى انت نصاب كبير
مراد اخدها في حضنه خلاص مراد الچارحي قرر وهانفذ مفيش خروج من الاوضة
كاميليا طيب بصي الفستان دا جميل
سيلا بتكشيرة لأ مس عاوزة
كاميليا يابنتي يا حبيبتي ارحميني انتي غير يحيى يحيى ولد انت بنت جميلة لازم تلبسي فستان
سيلا لأ
كاميليا على فكرة لي لي هاتبقى لابسة فستان جميل و عمو عز لما يشوفها هايحبها لكن انتي هايقول عليكي وحشة
سيلا لأ
كاميليا اتنرفزت على فكرة كدا عييييب لما تقوليلي لأ
ادهم دخل على صوتهم في ايه يا كوكو بتزعقي لسيلا ليه
كاميليا ينفع يا ادهم اقولها تلبس زفت فستان تقولي عاوزة تلبس زي يحيى
ادهم لا يا سيلا يحيى ولد انتي بنت يا حبيبتي
سيلا جدو قالي سيلا براحتها تعمل اللي هي عاوزاه
ادهم ميل بهمس على كاميليا شوفتي ابوكي وتربيته
كاميليا اوك خلاص البسي اللي انتي عاوزاه بس انا زعلانة منك
سيلا وقف والدموع اتملت في عنيها وبعدها اڼفجرت من العياط وادهم جري عليها
ادهم ايه يا روح قلبي متعيطيش
سيلا مامي زعلانة مني
ادهم كاميليا صالحيها
كاميليا لأ لما تسمع كلامي الاول
سيلا خلاص اسمعه كله
كاميليا قربت منها وباستها انا عاوزكي تكوني اجمل واحدة انتي بنوتة رقيقة تلبس فساتين حلوة
سيلا حاضر
كاميليا يالا روحي سرحي شعرك
سيلا خرجت وادهم بص لكاميليا وسكت
كاميليا انت لسه زعلان مني يا دومي
ادهم مبيردش وساكت بيلعب في تليفونه
كاميليا خلاص بقى وحياتي
ادهم ينفع كدا من امتى واحنا مشاكلنا بنحكيها لحد غلطت انا في ايه يا كاميليا علشان تحكي لامك وابوكي يدخلو في حياتنا
كاميليا يا ادهم انا مستغربة بس فكرة انك رافض تخلف تاني
ادهم بنرفزة ايوة وليا الحق على فكرة ومن وقت ما خلفتي سيلا وانتي اهتمامك وتركيزك كله عليها امال لو فكرنا نجيب طفل كمان هاتعملي ايه
كاميليا بدموع انا اهملتك
ادهم حن لدموعها مبحبش اشوفك بټعيطي وقولتلك كدا كتير
كاميليا انا بس كل الحكاية اننا لازم نهتم بيها اللي زمان حسيته مش عاوزاها تحسه يا ادهم احساس الوحدة ماما كانت معايا بس بعيدة ابويا محرومة منه ولا ليا اخ ولا اخت دي كل الحكاية مش عاوزة سيلا تتحرم من دا كله
ادهم يا حبيبتي اللي حصل زمان انسيه حصل ڠصب عن ارداتنا ومش لازم اللي حصلك يحصل لبنتك انا معاكي ان نجبلها اخ واخت تلعب معاهم بس بردو انا يا كاميليا فين من دا كله انا حاسس انك مش معايا عايشة في اوهام الماضي
كاميليا بصوت مبحوح خاېفة والله خاېفة اوي السنين تعدي ما بيني وبينك وتفرقنا
ادهم وتفرقنا ليه بدام انا وانتي بنحب بعضنا مش انتي بتحبيني
كاميليا اه بحبك اوي انا كل يوم بحمد ربنا ان انا لسى معاك
ادهم اخدها في حضنه انا معاكي وعمري ما هاسيبك ابدا انتي اصلا الاكسجين
