قصه مشوقه
ماما العسوله
مريم ماما ماما
ملك نعم يا حبيبتي
مريم مش ده يوسف يا ماما الي جاي هناك ده
ملك اه يا حبيبتي
مريم هو شايل ايه يا ماما
ملك دي يا حبيبتي المسطره بتاعته
مريم يوسف يوسف
يوسف مريومه حبيبتي
ملك عملت ايه يا حبيبي في الامتحان
يوسف الحمدلله الامتحان كان كويس
ملك ربنا يوفقك يا ابني روح نام عشان تصحي تذاكر
يوسف نعم
مريم عايزه اشيل المسطره بتاعتك
يوسف بس كده خدي شيلها
مريم دي كبيره عليا خالص يا يوسف
يوسف ما تزعليش تعالي اشيلك
مريم كده بقت مش كبيره عليا يا يوسف انا لما اكبر هكون
مهندسه زيك و هاخد المسطره بتاعتك
يوسف ماشي يا اميرتي هعين المسطره عشانك
مريم استني يا يوسف
مريم خد شكولاته يا يوسف عشان انت حليت صح في الامتحان ماما جابت ليا شكولاته عشان انا خلصت واجب المس بسرعه و هنروح عند جدو
يوسف شكرا يا أميرتي
مريم تاكلها و بعدين تنام
يوسف حاضر
مريم سلام
مريم جدو جدو انا جيت
ابو ملك حبيبه جدو
مريم انا بحبك خالص يا جدو
مريم يلا عشان تلعب معايا يا جدو
ملك بس يا حبيبتي جدو تعبان
ابو ملك انا هلعب مع مريومه حبيبتي هو انا عندي اعز منها
مريم ماما يلا يا ماما عشان نروح المسجد
ملك حاضر يا حبيبتي بس هخلص الغدا عشان يوسف هيجي يتغدي معانا
عمر يلا ملك لما تيجي تبقي تخلصي
ملك في ايه يا عمر شكلك متحمس اوي
مريم يلا يا ماما بقي انا لبست لوحدي
ملك حاضر يلا انا لبست بابا مشي
مريم اه سبقنا
ملك يلا بينا يا حبيبتي
ملك احنا هنروح المسجد عشان نصلي مش هنقعد نلعب في المسجد
مريم حاضر يا ماما
ملك و نسمع الخطبه و ما نتكلمش لحد ما تخلص
ملك و انتي عارفه منين انها هتكون حلوه
مريم ده سر يا ماما
ملك سر اممم
مريم يوسف انا سمعتك انا وماما و ماما كانت فرحانه خالص
يوسف يعني ماما عجبها الخطبه
مريم اه يا يوسف
عمر عيوطه هانم
ملك بس يا عمر
عمر فرحانه بټعيطي زعلانه بتعييطي تعبتيني معاكي
عمر طول الخطبه بيمدح فيكي و يدعيلك
امي هي من زرعت في قلبي حب القران حتي ختمت القران علي يديها .كانت دائما تقول لي يا بطلي حتي صرت انظر لنفسي علي انني ذاك البطل فما صرت عليه الان هو بفضل امي رزقك الله الفردوس يا أمي و ادام وجودك في حياتي
ملك ربنا يباركله
عمر علفكره انا بقيت بغير منه
ملك بس يا عمر احنا كبرنا
عمر مهما كبرتي هتفضلي حبيبتي و روح قلبي و لسه بشوفك العروسه الي خطفت قلبي من اول يوم شوفتها
ملك لسه شايفني حلوه بعد ١١ سنه جواز
عمر لو سمحتي ١١سنه و ٥شهور و ٣ اسابيع و ٥ ايام
ملك ده انت فاكر بقا
عمر عمري ما انسي يوم عشته
مريم فين الاكل يا ماما انا جعانه
ملك بابا هو الي معطلني يلا يا عمر خرج الاكل
عمر حاضر يا ملاكي
يوسف و اخيرا النهارده حققت حلمك يا ماما لسه فاكر اليوم الي وعدتك فيك اني اكون امام المسجد
ملك ربنا يفرح قلبك يا ابني زي ما فرحتني
مريم يوسف تعالي حل معايا الواجب
يوسف حاضر
مريم شوف يا يوسف المس قالت لي انتي شاطره يا مريومه و انا قولت للمس لما اكبر هطلع مهندسه زي يوسف
يوسف شاطره يا اميرتي بكره تكوني مهندسه
مريم انا خلصت الواجب يلا نلعب بقا يا يوسف
يوسف يلا يا جميل
عمر تعالي يا حبيبتي عايزك
ملك في حاجه يا عمر
عمر كنت عايز اكتب الشقه الي فوق باسم يوسف ايه رأيك
ملك اكيد موافقه يوسف ابننا
عمر هكتبها باسمه و علي ما يخلص الكليه يكون ربنا عني و جهزت الشقه ليه
ملك يخلص كليه و نشوف له بنت الحلال الي تسعده
عمر مريومه يا حبيبتي تعالي يلا عشان هنروح عند جدو و تلعبي مع محمود هناك
مريم مش هلعب مع محمود تاني
عمر هو زعل حبيبتي
مريم لا يا بابا بس يوسف قالي ما تلعبيش مع ولاد
تاني عشان انتي كبرتي
عمر ماشي يا حبيبتي اسمع كلام يوسف
يوسف السلام عليكم
عمر و عليكم السلام يا حبيبي
يوسف قالو لي المدير عايزني
عمر بس انا عايز اتكلم معاك كابني ينفع
يوسف شكل الموضوع جد
عمر اسمعني يا ابني انت دلوقتي اتخرجت و ان الاوان تخطب يا ابني اختار البنت الي تعجبك و انا اخطبهالك
يوسف لسه بدري اوي
عمر ليه يا ابني انا جهزت الشقه عشانك و انت بتشتغل و تقدر تفتح بيت
يوسف عايز اعتمد علي نفسي كفايه علي حضرتك كده عايز اجهز شقتي بنفسي عشان لما اخطب اكون تعبت عشان اوصلها
عمر اعمل الي يريحك يا ابني
يوسف عن إذنك عندي شغل
مريم بابا بابا
عمر نعم يا حبيبتي
مريم انا خلاص مش هخرج بشعري تاني
عمر شاطره يا حبيبتي ماما الي قالت ليكي
مريم ماما قالت لي هي و يوسف
و يوسف قالي اني شعري حلو خالص و مش لازم حد يشوفه غير بابا و ماما و جدو و تيتا صح يا بابا
عمر صح يا حبيبتي
مريم شوف يا بابا يوسف جابلي طرحه حلوه خالص انت عارف يا بابا انا بحب الهدايا بتاعه يوسف اوي
عمر قولتلي ليوسف شكرا
مريم ايو يا بابا
يتبع
آيه عفيفي
رفيق الروح
الفصل
عمر حبيبه بابا الي ختمت القران تعرفي جبتلك هديه ايه
مريم اوعي تقولي عروسه زي كل مره انا خلاص كبرت
عمر مهما كبرتي هتفضلي في نظري صغيره
مريم انا كبرت يا بابا و بقيت في اولي اعدادي
عمر خلاص ما تزعليش نفسك انتي كبيره يلا شوفي هديتي اكيد هتعجبك
مريم الله يا بابا انت اشترات ليا كل الكتب الي كنت عايزاها
و قبلت يدي والدها
ربنا يبارك لي فيك يا احلي اب في الدنيا
عمر و يبارك ليا فيكي يا احلي بنوته في الدنيا
يلا اسيبك تشوفي باقي الهدايا
مريم نبدأ بهديه يوسف
ادام الله عليك نعمته و جعلك من اهله و خاصته
عباراتك الحلوه يا يوسف
ملك مريومه حبيبتي
مريم نعم يا ماما
ملك حبيبتي الحلوه كبرت و جه الاوان انها تلبس الخمار و تبقي احلي و تتشبه بأمهات المؤمنين
مريم كنت لسه هقولك يا ماما اني عايزه البس الخمار حتي يوسف جاب ليه خمار هديه
ملك يوسف دايما سابقني
مريم انا هلبس الخمار و اخرج اوريه لبابا و يوسف
ملك ماشي يا حبيبتي
ما شاء الله عليكي زي القمر في الخمار
مريم حلو عليا يا ماما
ملك بنتي زي القمر في اي حاجه
مريم انا هخرج عشان بابا يشوفني
مريم بابا بابا
انا لبست الخمار
عمر مبارك يا قلبي ربنا يثبتك و يديم ستره عليكي
مريم مش هتباركلي يا ابيه
يوسف ربنا يثبتك يا آنسه مريم
ملك في ايه حبيبتي زعلانه ليه
مريم يوسف
ملك ماله يوسف
مريم بيقولي يا آنسه مريم مش بقي بيقولي يا مريومه زي زمان
ملك انتي يا حبيبتي كبرت و لازم يبقي في حدود في كلامك مع الرجاله حتي مع يوسف كل ما البنت تحط حدود في تعاملها كل ما قيمتها بتزيد في عيون الناس .الي يميز البنت حياءها و اخلاقها و من غير حياءها ما يبقاش ليها قيمه .فهمتي كلام يا حبيبتي
مريم اه يا ماما
تعرفي يا ماما انا بحب نصايحك اوي
ملك نصايحي بس
مريم لا انا بحبك يا احلي ماما في الدنيا
ملك قلب ماما
مريم انا بفكر اشتري لاسماء خمار هديه و هشجعها عشان تلبس الخمار هي كمان
ملك فكره حلوه يا حبيبتي
و احنا نازلين نشتري ليكي نشتري لاسماء
مريم ماشي يا احلي ماما
انا همشي بقا عشان اسماء زمانها جايه و هنتأخر علي الدرس
ملك ماشي يا حبيبتي
من يومها و بدأ كلامي يقل مع يوسف و حتي يوسف مش بقي يجي عندنا زي الاول .
و الحمدلله ربنا من عليا و لبست النقاب
يوسف السلام عليكم
ملك و عليكم السلام يا حبيبي اخبارك ايه
يوسف الحمدلله بخير بابا فوق
ملك اه يا حبيبي مستنيك
عمر اخيرا شوفتك يا بشمهندس ان ما كنتش ابعتلك ما تجيش
يوسف معلش يا بابا انت عارف اني كنت مشغول اليومين الي فاتو في تجهيز الشقه
عمر و خلصتها
يوسف الحمدلله
عمر كده بقا مفيش حجه عشان تخطب جهزت شقتك بنفسك اهو
يوسف شويه لسه
عمر يا ابني انت مش صغير انت بقا عندك٢٨ سنه و معظم صحابك اتجوزوا اخطب يا ابني و فرحني بيك
يوسف لسه ملقتش العروسه المناسبه لما الاقيها هخطب
عمر قول لي تشرب ايه و بعدين نكمل كلامنا
شاي ولا قهوه
يوسف انت الي هتعمل
عمر ملك و مريم خرجوا اكيد قابلتهم يبقي انا الي هعمل او انت الي تعمل
يوسف خليني انا اعملك قهوه
يوسف بس انا شوفت ماما لوحدها
عمر لا مريم معاها اكيد معرفتهاش عشان لبست النقاب
يوسف لبست النقاب اللهم مبارك من امتي
عمر من شهرين كده
يوسف ربنا يثبتها
عمر طبعا انت سمعت عن الرحله بتاعه الشركه
يوسف بتاعه اسكندريه
عمر اه
و احنا هنطلع و انت هتطلع انت كمان
يوسف بس ....
عمر مافيش بس عشان كبرت مش هتسمع كلامي ولا ايه
يوسف لا ابدا
عمر يبقي هتيجي معانا انا مصدقت ان الرحله في الاجازه عشان دروس مريم كل الي عليك تجهز شنطتك و تيجي تتفسح معانا شويه بدل جو الشغل الي انت فيه ليل و نهار
يوسف حاضر
مريم الله يا ماما المكان هنا حلو اوي
ملك المكان هنا حلو فعلا
عمر وعدتك هنيجي هنا احنا و ولادنا و نفذت وعدي و جبنا مريومه معانا و كمان يوسف
ملك دايما بتوفي بوعودك يا حبيبي
مريم هروح انا اقعد في المكان الهادي ده اقري كتاب و اسيبكم مع بعض تفتكروا ذكرياتكم
عمر ماشي يا حبيبتي خلي بالك من نفسك
شاب قاعده لوحدك يا جميل خليني اونسك
مريم لو سمحت امشي من هنا
شاب ليه كده يا جميل
يوسف في ايه يا كابتن
الشاب انتي الي في ايه مالك هي تخصك
يوسف اه تخصني و اتفضل بدل ما ازعلك
الشاب و علي ايه اشبع بيها
يوسف عجبك كده
مريم و انا عملت ايه يا ابيه انا كنت قاعده في حالي هو الي جه يضايقني
يوسف و انتي سايبه الاماكن كلها و جايه هنا
مريم كنت عايزه اقعد في مكان هادي
يوسف يبقي تيجي مع ماما مش تيجي لوحدك و لما لقيته بيرخم عليكي ما قمتيش تمشي ليه افرضي انا مكنتش جيت الله اعلم كان عمل فيكي ايه
مريم الحمدلله اني حضرتك جيت يا أبيه
عن اذنك
عمر الفندق هنا بيقدم اكل حلو اوي خلينا نتطلب علي ما ينزلوا
يوسف اختار الاكل علي ذوقك
عمر ماشي يا سيدي
عمر مريم فين ما نزلتش معاكي ليه
ملك تعبانه شويه خدت مسكن و هتنام
عمر خلينا نتعشي بسرعه و نطلع عشان ما
