روايه بقلم يارا

وانسي هنا من فضلك
_ انا ليا مكان هنا زيك بالظبط 
قالتها نيره لتقول ريم 
محدش عايزك هنا مش معقوله هتعيشي مع ناس مش طايقاكي حتي بابا مش عايزك
قالت جملتها الاخيره ثم اغلقت الباب ظلت نيره تتطرق الجرس بقوه اكثر من مره ولكن لا اجابه ليقول حسام 
انا عارف ريم كويس مش هتفتح خلاص
_ انا مش همشي من هنا بسهوله

_ وهما مش هيفتحوا خلاص هي قالت الي عندها وقفلت الباب في وشك
ضړبت الباب بقدميها بقوه ليقول حسام 
تعالي اوصلك لعمك الله يسامحك بقالي سنين بعيد عن العيله والقصر ده وبحاول اتعافي منهم جيتي انتي وفي ثانيه رجعتيني لصفر تاني 
قال جملته الاخيره بضيق تسائلت نيره باستغراب 
هما عملولك ايه 
_ تعالي طيب نمشي من هنا الاول
نظرت الي ذلك القصر طويلا ثم تنهدت بقوه وتحركت مع حسام ..
_________________
تجلس في السياره وتنناول الوجبه الخفيفه التي احضرها لها حسام وهي عباره عن سندوتشات وبحانبها بعض المخلل ومشروب غازي ويحكي لها قصته مع تلك العائله وتحديدآ ريم
هتفت بحماس وهي ترتشف المشروب 
من غير ما تكمل انا اقولك بعد قصه حب الطفوله الفظيعه الي كانت بينكم دي بعد ما كبرت ودخلت الجامعه راحت خازوقتك وقالتلك معلش انا بحب واحد تاني وانت بنسبالي زي اخويا
_ برافو عليكي عرفتي ازاي !
قالها حسام باستغراب لتقول هي 
يعني هي هتجيبه من براه ابن عمها مين
_ مش فاهم قصدك ايه !
تناولت قطعه من الطعام وهي تقول 
مش لازم كل حاجه تفهمها
_ لما انتي مېته من الجوع كده مكنتيش عايزه تاكلي ليه في الاول !
لتجيبه هي 
بصراحه كنت خاېفه تكون حاططلي منوم في الاكل ولا حاجه
_ وانا هنومك اهبب بيكي ايه !
مدت ذراعيها ورتبت علي كتفيه وهي تقول برسميه مزيفه 
انت شكلك محترم اوي يا استاذ حسام انا دلوقتي عرفتك هي ريم خازوقتك ليه
انهت جملتها تلك وابعدت يديها ليقول حسام 
ليه يا اختي 
لتقول هي 
مش مهم بقي اهي خزوقتك وخلاص ممكن تتحرك بالعربيه وتوصلني بيت عمي 
______________________
توقفت السياره امام منزل شريف الذي وصفته له نيره لتقول هي بابتسامه 
ميرسي خالص علي الاكل والرغي الكتيير ده انا بقالي اربع سنين متكلمتش كده
_ واشمعني اربع سنين !
_ لا ده احنا كده مش هنخلص في الكلام يلا سلام وفرصه سعيده اني اتعرفت عليك
قالتها وهبطت من السياره وحسام يتابعها بعينيه ..
الي ان قام شخص ما بفتح الباب لها ودلفت هي الي الداخل ..
وعندما اختفت هي من امامه تحرك هو يسيارته ...
وفي الداخل ..
هتفت ناديه 
قولتلك مش هترتاحي هناك مسمعتيش الكلام
جلست نيره علي الاريكه وقالت بحسره 
علي اقل عرفت قيمتي عند بابا
_ هو قالك حاجه !
قالها شريف لتقول نيره 
كتيير يا عمو قال كتير وكله كلام يدبح ده لو جوز ام مكنش هيقولي كده
___
منذ ان عاد الي المنزل وهو يبحث عنها علي شبكه التواصل الاجتماعي الفيسبوك ..
واخيرآ وجدها امامه قام بفتح ملفها الشخصي ثم النظر الي صورتها الشخصيه وهي صغيره
________________
من الواضح ان تلك الصوره وضعتها قبل خمسه اعوام ..
بالاضافه الي صفحتها فارغه لم تنشر بها اي شئ منذ خمسه اعوام
هتفت بتفكير 
هي عامله حساب تاني غير ده يعني ولا ايه !!
ظل يبحث ولكنه لم يجد شئ .. قام بفتح ذلك الملف الشخصي وقام بارسال طلب صداقه لها وهتف حسام 
هيبان لو بتفتحه اكيد هتقبل طلب الصداقه ..
مر اكثر من يوم وهي لم تقبل طلب الصداقه ذلك بالاضافه انه انتظرها امام منزل عمها في السياره ولكنها لم تخرج منذ اخر لقاء بينهما ...
لا يدري لما يبحث عنها هكذا ولكنه يريد التحدث معها ومعرفتها اكثر واكثر ..
وفي الداخل 
تناولت هاتفها عندما وجدت شخص ما يقوم بالرن عليها قامت بالرد ليصل لها صوت مازن 
_ عامله ايه !
_ بخير تمام 
قالتها بهدوء ليقول هو 
ممكن اطلب منك طلب !
سمحت له نيره ليقول هو 
اديني فرصه اثبتلك حبي وانسيكي كل حاجه حصلت انا عارف اني غلطت قبل كده بس كنت محتاج وقت اقدر اتقبل الي حصلك وقت ارتب كل حاجه قدامي 
فات اربع سنين يا نيره وانتي مطلعتيش لا من عقلي ولا قلبي
_ عارف لو كنت قولتلي الكلام ده من اربع سنين مثلا كنت هتلاقيني طايره من الفرحه لاني كنت هشوف نفسي واحده تتحب واحده حد عايزها بس دلوقتي انا مش حاسه بكلامك ده اصلا مش قادره حتي اسمعه حاسه ان معدتي قلبت كده روح حب وادي مشاعرك دي ل اي واحده غيري يا مازن ومن فضلك بلاش تتصل بيا تاني 
قالت جملتها تلك وانهت المكالمه ومازن ينظر الي هاتفه بحسره واضحه .. تلك كانت اخر فرصه امامه لنيره ولكنها هي مصممه علي موقفها ذلك ...
____________________
وفي منزل سليم
_ سيبها تتكلم مع الورق علي اقل نرتاح من صداعها
قالها سليم ليقول فادي 
هو فين صداعها ده نيره بقالها اربع سنين محدش بيسمعلها صوت يمكن من يومين بس بعد ما جلت من بيت عمي صوتها بدا يظهر مع ماما وبابا
_ طب كويس اهو نفسيتها بدات تتحسن زعلان ليه بقي 
_ مش مستحمل نظرتها ليا
لم يعلق سليم علي جملته تلك واكتفي بالصمت فهو يعلم جيدآ تلك النظره .. دومآ يراها في عينيها عندما تنظر له ليقول فادي 
ازاي هانت عليك نيره تعرف الي حصلها ومتاخدش اي موقف انا لحد دلوقتي مستغربك بجد
_ يعني كنت عايزني اعمل ايه جاي تعرفني بعد الهنا بسنه وكمان هي راحتله وكلمته بمزاجها ادي نتيجه تفكيرها انا حاولت علي قد ما اقدر احافظ عليها بس هي الي كانت مصممه تضيع نفسها ب اي شكل
تنهد فادي وهو يقول 
عارف نيره في كل اخر صفحه داعيه عليك ان ربنا ېحرق قلبك علي بنتك
شحب وجه سليم عندما اخبره فادي كلما حاول التخلص من تلك الفكره تظهر امامه مره اخري ..
كاد ان يتحدث سليم ولكنه توقف عندما ظهرت اشرقت ووضعت المشروبات علي الطاوله ثم جلست ليقول زوجها
كلمتي مريم 
_ ايوه وبردو مفيش فايده رافضه زي كل مره مش عارفه ناويه تتجوز امته دي الي زيها عيالهم بيرحوا المدرسه
تنارل فادي الكوب من امامه بعدم رضا ليقول سليم 
اختك دي غريبه في موضوع الجواز معندهاش
حتي سبب للرفض
___________________
انتهت من الكتابه في دفترها ثم تناولت هاتفها وظلت تعبث بيه كعادتها منذ اربع اعوام تقلب في الشبكات الاجتماعيه بصمت .. لا يظهر منها اي نشاط 
وجدت طلب صداقه وظهرت امامها صوره حسام 
ضغطت عليه وهي تهتف 
وانت كمان جاي ټنتقم من الي عملته ريم فيك علي حسابي!! هو اي حد عنده حساب عند قرايبي يجي يخلصه عندي
قالت جملتها الاخيره بضيق واضح ثم قامت بوضع حسام في قائمه الحظر ...
_____________________
_ بس جدعه يا ريم انك عرفتي تمشيها والله انا كنت خاېف ارجع من شهر العسل القيها في وشي
قالها امجد لتجيبه ريم 
طول عمرها لازقه من ايام ما كانت تبعتلنا اد علي الفيس
_ وكانت متابعنا علي فيس اول باول مش فاهم هي عايزه ايه مننا ناس ومش عايزنها راميه نفسها علينا ليه بسببها بابا بعدنا عن اونكل شريف وعياله
_ ايوه والله معاك حق قولنا علشان تنسي وجودنا لا ومش هتصدق مين الي خپطها بالعربيه ووصلها 
_ مين 
_ استاذ محڼو
_ حسام !! 
قالها بدهشه لتقول ريم وهي تحرك راسها 
بظبط
_ هي كده الناس الي ملزقه بتلاقي بعض ولو ايه فاكره كان بيجي يلزق عندنا ازاي مفيش حاجه بعدته عننا غير جوازك من منير يا ساتر كان حاجه تخنق
_____________________
قام بالاتصال بها اكثر من مره ولكنها لم تجيبه وعندما وجدته مصمم ولم يتوقف عن الاتصال قامت بالرد وهي تقول بانفعال 
عايز ايه يا فادي شغال ترن ترن في ايه مش عايزه اكلمك هو بالعافيه 
وبدون انذار اخبرها هو 
انا عايز اتجوزك يا مريم وبلاش ترفضي زي ما عملتي من اربع سنين هتجوزك فتره اصلح حياتك الي انا دمرتها وبعدين هطلقك
_ لا شكرا يا سيدي مستغنيه عن خدماتك سلام
_ هتقضي عمرك كله ترفضي في العرسان ! بقولك فتره وهطلقك يا ستي بعد اسبوعين جواز طلعي فيا اي عيب واطلبي الطلاق اني مديت ايدي عليكي اي حاجه تيجي في بالك وانا هتحمل النتيجه
لم تجيبه بشئ ليقول فادي 
قولتي ايه يا مريم 
_ اي عيب هطلعه فيك متعترضتش عليه تمام 
_ تمام يا ستي الي انتي عايزاه قوليه 
صمت هي وعقلها شرد انتبهت علي صوت فادي الذي يقول 
عارف انك مش هتسحمليني فتره خطوبه وكلام ده هنخلي كله مع بعض خطوبه وكتب كتاب وجواز شفتي بخلصك مني سريع سريع ازاي 
ابتسمت ساخره وهي تقول 
اه شوفت
_
وفي اليوم التالي
كانت تهبط الدرج ولكنها توقف عندما استمعت الي عباره شريف الذي يقول 
انا مش هجوزك بنات الناس باخلاقك دي لا ومش اي ناس دول ناس في وشنا يعني اي حاجه تحصل اخوك هيجي في الرجلين
_ يا بابا سيبك من الي فات وندا دي هي الي جات عندي برضاها وكانت شمال اصلا اخوها بس الي اعتبرها ضحيه بمزاجه
_ وفي الاخر بنت عمك هي الي دفعت التمن 
قالها شريف بعصبيه ليقول فادي 
بلاش تربط الاتنين ببعض انا معجب بمريم وعايز اتجوزها
_ مريم زي بنتي وانا مرضاش لبنتي تتجوز واحد زيك
زفر فادي بقوه ليظهر صوت نيره وهي تقول بابتسامه والدموع في عينيها 
علي فكره فادي اتغير يا عمو وبقي كويس بطل يجي سکړان هو اصلا بطل يشرب بقاله كتير اوي وكمان بقي يصلي حتي الفجر بسمعه بليل لما يقوم يتوضي وبلاش تربط الي حصلي بجوازه من مريم دي حاجه ودي حاجه تانيه خالص
ابتسمت رغمآ عنها وهي تحاول اخفاء دموعها 
انا صحيح مش طايقه فادي ولا قادره ابص في وشه بس ميرضنيش ترفض جوازته
وفادي ينظر اليها بحزن الدموع التي في عينيها وتحاول اخفاءها بابتسامه مزيفه ..
هي لم تستحق ابدا ما حدث لها لا تستحق ..
_ علشان خاطري يا عمو 
قالتها برجاء ليقول شريف وهو ينظر
الي فادي 
هفكر يا نيره علشان خاطرك حاضر
طبعت قبله علي خديه وهي تقول 
هتفكر وهتوافق اتفقنا !
ابتسم لها لتقول نيره 
انا هخرج اتمشي شويه وارجع ممكن 
_ ايوه طبعا ممكن وهي دي عايزه كلام ده انا بقالي سنين بتحايل عليكي تخرجي تغيري جو
خرجت والدموع تسقط علي وحنتيها ..
الجميع حياته تسير ماعدا هي حتي فادي سيتزوج الفتاه