روايه بقلم شيماء رضوان

فى اوضتى فين يا بابا
محسن ..صور مين يا نور
نور ..صور خالد
محسن..وعايزاها ليه وانتى هتتجوزى واحد تاني
نور بصوت اقرب للصړاخ ..ارحمنى بقى انا مش عارفه انت بتعمل معايا كده ليه انت فاكر ان اللى بتعمله ده لمصلحتى انت كده بتدمرنى انا خلاص تعبت مش حمل اى صدمات تانى
محسن بذهول من حديث ابنته ..انا يا نور بدمرك ده انا بعمل كل حاجه علشان مصلحتك
نور وقد امسكت يده وقبلتها ..انا اسفه يا بابا بس ارجوك ادينى الصور اشوفها لاخر مرة ارجوك وبعد كده هعمل اللى انت عايزه
محمد..خلاص يا بابا اديها الصور لاخر مرة ارجوك انت شايفها عامله ازاى 
واقترب من اخته واردف..اهدى يا حبيبتى اللى بتعمليه فى نفسك ده غلط انتى كده بټموتي نفسك بالبطىء
كوثر..معلش يا محسن اديها الصور
محسن وهو يعرف ان ما سيقوله سيحطم ابنته..مينفعش لانى حړقت الصور كلها
نور وقد اڼصدمت مما سمعته اما امانى امسكت اختها لانها تعرف على وشك الاڼهيار
محمد..ليه بس كده يا بابا
ولم يكمل كلامه لان نور قاطعته ونظرت له نظرة جامده تخلو من المشاعر واردفت ..ماشي يا بابا حضرتك فاكر انك كده هتقدر تخلينى انسى خالد يبقى بتحلم خالد عايش جوايا ولاحازم ولا عشرة زيه يقدروا ينسونى خالد وحازم خلاص موافقه اتجوزه بس هو اللى جابه لنفسه يتحمل اللى هيحصله بقي وتركتهم وذهبت الى غرفتها واستوقفها حديث ابيها
محسن..مفيش خروج من البيت الا بعد كتب الكتاب
نور..وشغلى انا مقدرش مرحش ده الحاجه الوحيده اللى لو خسرتها يبقي خسړت نفسي
محسن ..انا خليت حازم يقدملك على اجازه وبعد كتب الكتاب تقدرى تروحى شغلك عادى
نور..ماشي وتركتهم وذهبت
كوثر بنبره تحمل اللوم..انت قسيت عليها اوى
محمد..كان الموضوع ممكن ييجى بالتدريج مش بالطريقه دى ابدا
محسن ..لا انا كان لازم اعمل كده علشان تفوق من اللى هيا فيه دى بنتى وانا كنت بتعب لما بشوفها كده اللى عملته ده بكرة تشكرونى عليه
امانى..طيب انا رايحه الكليه عندى محاضرات مهمه عن اذنكم
كوثر..طيب هنعمل ايه انا خاېفه عليها اوى خاېفه لترجع للحاله اللى كانت فيها لما ماټ خالد
محسن..مټخافيش نور قويه وهتقدر تتخطى اللى هيا فيه وتكمل حياتها عادى
محمد..يا رب يا بابا على العموم انا رايح الشركه لانى اتاخرت اوى حضرتك هتيجى
محسن..لا مش جاى وقلت كده لعمك عدلى فى التليفون وعمك رافت هيكون مكانى النهارده
محمد ..ماشي يا بابا بعد اذنك
جلست فى غرفتها بعد ما حدث وتذكرت حياتها مع خالد فلاش باك....
كان خالد زميل اخاها محمد ويعمل معه بالشركه تعرفت عليه نور واحبته وتقدم خالد لخطبتها ووافق ابيها عليه بالرغم من انه كان يريد ان تتزوج نور من حازم وليس من خالد ولكنه اضطر للموافقه بعد ان راى حب ابنته الكبير لخالد تمت الخطبه ومرت سنه على خطبتهم الى ان جاء يوم عقد القران حيث تبدل كل شي من الفرح للحزن من السعاده للالم تبدل كل شيء من حولها واصبحت الحياه سوداء امامها يوم عقد القران تم عقد قران نور وخالد وسط فرحه من الجميع ما عدا حازم الذى كان يتالم على حب عمره الذى ضاع منه ولكنه تمنى لها السعاده عندما راى حبها لخالد وفرحتها التى كانت ظاهرة بوضوح كانت نور تحب خالد وبشده
خالد ..ممكن يا عمى اخد نور نتعشي بره
محسن..اه طبعا يا حبيبي
خرجت نور مع حازم وتناولوا العشاء وقضت نور اجمل اوقاتها معه
خرجت معه من المطعم وفتح لها باب السياره لتدخل وذهب الى الجهه الاخرى ليركب ولكن تاتى الرياح بما لا تشتهى السفن صډمته سياره ووقع على الارض غارق فى دماءه صړخت نور باعلى صوتها صرخه جعلت الجميع يشفق عليها وعلى حال خالد الملقى على الارض غارق فى دماءه يلفظ انفاسه الاخيره ركضت اليه ووضعت راسه على قدميها
نور وهى تبكى ..خليك معايا يا خالد متسبنيش
خالد وهو يتألم ..خلى بالك من نفسك انا محبتش حد اد محبيتك انتى كل حياتى كان نفسي نعمل فرحنا وتبقى معايا علطول ونزلت دموعه ونطق الشهادتين وصعدت الروح الى خالقها
نقلت نور الى المشفى مع خالد ولم تصدق انه ماټ واصرت ان يفحصه الطبيب خرج الطبيب من الحجرة التى يرقد بها خالد
اندفعت نور اليه بلهفه ..هو كويس يا دكتور عايش
صح
لم يرد عليها الطبيب
وبحكم خبرته عرف انها على وشك الاڼهيار لما سيقوله فاشار الى ممرضه ان تاتى
نور بصوت غاضب ..مترد عليا انت ساكت ليه
الطبيب بهدوء..البقاء لله
نور..انت مچنون هو فى حد بيهزر فى حاجه زى دى
اشار الطبيب للممرضه ان تاخذها لانها على وشك الاڼهيار
الممرضه وهى تربت على كتفها ..لو سمحتى يا انسه تعالى معايا
نور وهى تدفعها وتصرخ..اوعى كده وامسكت الطبيب من ملابسه ..خالد مماتش اتفضل اعمل اى حاجه واندفعت الى الغرفه
نور وهى تهز خالد پعنف..قوم انت قلت مش هتسبنى قوم
دخل الطبيب وامسكها واڼهارت نور وفقدت وعيها علم اهلها واهل خالد بما حدث فحصها الطبيب وخرج ووجهه يفسر ما تمر به نور اندفع اليه حازم والدموع عالقه فى عينيه تابى السقوط ..هى كويسه يا دكتور
الدكتور..للاسف الانسه نور دخلت فى غيبوبه
كوثر وهى تبكى على ابنتها وما اصابها ..غيبوبه من ايه يا دكتور هى بنتى مالها
الطبيب..الانسه مفيهاش اى مرض عضوى يخليها تدخل فى غيبوبه بس مۏت خطيبها خلاها رافضه الحياه والمړيض فى الحاله دى بيبقى رافض انه يفوق علشان ميرجعش للواقع اللى رافض يعيشه اما بالنسبه هتفوق امته الله اعلم لان الحالات اللى زى دى صعب نحدد هتفوق امته عن اذنكم
بكت كوثر كثيرا لما يحدث مع ابنتها اقترب محسن ليواسيها لانه لابد ان لا يضعف الان يجب عليه ان يظل صامد حتى لا ينهار الباقين
محسن ..اهدى يا كوثر بنتك قويه هتقوم منها ان شاء الله وهترجع اقوى من الاول
كوثر..يارب انت عالم بحالى رجعلى بنتى يااارب
اما حازم وقف صامتا حزين على حب طفولته
مر شهر ونور على نفس الحال راقده بلا حراك امها ووالدها يتالمون من اجلها حازم الذى قد ترك كل شيء من اجل ان يبقى بجانبها واختها التى اهملت دراستها وبقيت تدعو لها ان تستيقظ الجميع من حولها اصبحوا جسد بلا روح كانها كانت النبض لكل هؤلاء فى اليوم التالى فتحت نور اعينها وكانت امها بجانبها تصلى وتدعوا الله لها اما ابنه عمتها بسمه تقرا القران وتدعوا لرفيقه عمرها سمعت صوتها وهى تان بخفوت نظرت بسمه اليها واحتل وجهها الدهشه والفرح فى ان واحد ..نور
نور بصوت خفيض ..عايزه مايه
بسمه ودموع الفرح تتسابق على وجنتها ..حالا هجبلك يا حبيبتى واعطتها المياه وكانت امها قد انتهت من صلاتها احتضنتها بفرح
اما بسمه انطلقت الى خارج الغرفه وكان بالخارج محمود ووالد نور وحازم الذى لا يفارق المشفى منذ ان دخلت نور فى الغيبوبه بسمه وهى تركض اليهم.. خالى خالى 
واصطدمت بمحمود جعلته يترنح للخلف فلم تتعيره اى اهتمام فانزعج محمود منها
محسن بقلق ..فى ايه يا بنتى ايه اللى حصل
بسمه وهى تلهث..نور فاقت 
لم تستطيع تكمله كلامها بسبب اندفاع محسن وحازم الى غرفه نور همت لتلحقهم الا ان يد صلبه امسكت ذراعها پعنف وكانها قيود من حديد
بسمه بتوتر..فى ايه يا محمود سيب ايدى
محمود بصوت غاضب .. فى انك عماله تجرى زى العيال ومش مراعيه اننا فى مستشفى وانك مش عيله والتصرفات دى مش لواحده فى سنك
بسمه بخفوت ..اسفه مخدتش بالى
ضغط محمود على يدها اكثر ولم يابه لدموعها التى اغرقت وجهها ..امشي دلوقتى من هنا مشفكيش فى المستشفى تانى فاهمه ولا لا
بسمه وهى تبكى.. ح ح حاضر وخرجت من المشفى تبكى قسوه حبيبها وعنفه معها
اما فى حجرة نور دخل محسن ليطمان عليها اما حازم ذهب الى الطبيب ليحضر حتى يعرف حالتها
محسن وهو يحتضن ابنته..حمدالله على السلامه مكنتش اعرف انك ضابط خرع كده
نور..الله يسلمك يا بابا انا بقالى اد ايه هنا وخالد فين
ادمع والدها اما نور تذكرت اليوم الذى ماټ خالد فيه على يديها
نور..متقلش ان خالد ماټ يا بابا خالد مماتش
محسن..اهدى يا حبيبتى
نور بصړاخ...اااه
محسن .. اهدى يا نور
تحاملت نور على نفسها ونزلت من على السرير
محسن..اهدى يا بنتى انتى رايحه فين بس
ولم ترد عليه وتوجهت الى باب الغرفه ووجدت حازم فى وجهها
حازم بابتسامه..حمدالله على السلامه يا نور
نور وهى تنظر له پغضب وامسكته من ملابسه ..انت اللى قټلته وانا مش هسيبك مش هسيبك يا حازم
اڼصدم حازم مما قالته ولم ينطق بحرف اما والدها اندفع اليها وامسكها من يدها وزجرها على ما تفوهت به
محسن..انتى اتجننتى يا نور ايه اللى بتقوليه ده حازم عمره ميعمل حاجه زى كده ده فضل هنا وساب شغله طول الفترة اللى انتى كنتى فيها فى الغيبوبه
نور بصړاخ وهى تنظر لحازم ..لا اكيد هو اللى قټله لانه كان اكتر واحد رافض جوازى من خالد
محسن ..يا بنتى اهدى كل اللى بتقوليه ده غلط حازم انا اللى مربيه وهو مستحيل يعمل كده
نور بصړاخ ..برده لا انت اللى قټلته يا حازم 
وامسكته من ملابسه مرة اخرى وبدات الصړاخ پهستيريا جعلت حازم سوف يجن منها رفع حازم يده وصفعها على وجهها وقال بصوت عالى وبنبره غاضبه ..فوقى يا نور فوقى انا مقدر اللى انتى فيه بس مش لدرجه انك تتهمينى
بقټله انا صحيح كنت اكتر واحد رافض جوازك
منه لانى بحبك ومن زمان اوى بس انتى مكنتيش شايفه حد فى حياتك غير خالد وتركها وذهب.......انتهى الفلاش باك
فاقت نور من شرودها على صوت دقات على باب غرفتها
نور.. ادخل
دخلت امانى عليها
امانى.. انتى كويسه يا نور
نور.. الحمد لله يا امانى شكلك خارجه رايحه فين
امانى بابتسامه .. رايحه الجامعه عندى محاضرات مهمه بس مش هتاخر عايزه حاجه
نور.. سلامتك يا حبيبتى تروحى وتيجى بالسلامه
امانى..اه صحيح نسيت اسراء واسماء وبسمه بره عايزين يدخلوا يطمنوا عليكى
نور..دخليهم عايزه اعرف اخبار خجوله العيله ايه
امانى..ههههه بسمه فعلا خجوله العيله
ذهبت امانى ودخلت بسمه اليها ومعها اسراء واسماء
اسماء.. اذيك يا حلوة عامله ايه
نور.. اهلا ام لسان طويل
اسراء .. عندك حق فعلا على راى ادم محمد هياخد اكبر مقلب فى حياته
اسماء .. هو لحق قالك المعفن ده
اسراء پغضب مصطنع .. قومى يا بت من هنا متقوليش على خطيبي وزوجى وابو عيالى مستقبلا معفن بدل ما اضربك قلم يخليكى ترقدى فى السرير شهر
اسماء بسخريه... لا والله وسعت منك اوى قلم يرقدنى فى السرير شهر طب حبيب القلب مقلكيش انه بيعاكس السكرتيره بتاعته
اسراء ..نعم يا اختى ادم وخرجت من الغرفه واتجهت لشقه عمها رافت
نور..اقسم بالله انتى مصېبه ايه اللى خلاكى تقولى كده
اسماء بشماته..احسن بقى هيا واخويا وحازم يقولوا ان محمد هياخد اكبر مقلب فى حياته يرضيكى كده يا عمتى
نور باستغراب..عمتى
اسماء وهيا تغلق عينيها
وتفتحهما بسرعه .. باعتبار ما سوف
يكون يعنى