حكمت وحسم الامر الهام رفعت
هطلت على وجنتيها دون وعي منها قالت مدعية القوة
يلا قومي البسي فستانك الكل جاهز على اللي هيحصل .
اومأت مارية برأسها لتمتثل لطلب والدتها قالت وهي تنهض
حاضر يا ماما وأنا جاهزة لكل حاجة......
هتف سلطان بصوت عالي مناديا عليه وهو يولج غرفة الضيوف استجاب عمار ليأتي خلفه ولج هو الآخر وهو يرد باكتهاء
امرك يا حاج كنت عاوز مني ايه .
جلس سلطان على الاريكة وهو يرمقه بنظرات قوية قاسېة هتف بامتعاض
ايه ضړب الڼار اللي انت مخلي الغفر في كل مكان يضربوه ده كل دا علشان ايه الست بتاعتك هتتجوز النهاردة قد كدة الرجولة راحت وهتنخ علشان تخلي اللي يسوى واللي ما يسواش يتكلم عليك .
حضرتك مش واثق فيا يا حاج انا بعمل كدة علشان نكسر عينهم ولما انفذ اللي بفكر فيه هيخلي الكل يعملنا ألف حساب وهما كمان .
قطب سلطان جبينه ليسأله بعدم فهم
ايه اللي بتفكر فيه وعايز تعمله .
ارتبك عمار ورد بتردد
هخطفها يا حاج ما فيش غير كدة هما مفكرين بجوازها هيكسروني بس أنا اللي هكسرهم وهذلهم كلهم لما تبقى عندي هنا .
مط سلطان شفتيه باعجاب وهتف مادحا إياه
ايوة كدة يا عمار عايزك على طول تخليهم تحت رجليك والكل لازم يعرف أنه سلطان خلف راجل بجد .
انا ابنك يا حاج والليلة كل حاجة هتنتهي ......
جلس فؤاد مع عمته وبعض من رجال العائلة لمناقشة زواجه اليوم من مارية تولت فريدة قيادة الأمور بعد قتل زوجها وباتت تخطط للإنتقام عن طريق ابنتها فهذا هو الطريق الأسهل لذلك وجهت بصرها لفؤاد وهتفت بنبرة قوية
خلي بالك يا فؤاد انا مش عايزة غلط اللي خططناله لازم يمشي زي ما احنا عاوزين .
اماء فؤاد برأسه ورد بطاعة تامة
تحت أمرك يا عمتي أنا مش عايزك تقلقي أنا بنفسي اللي بشرف على كل حاجة .
هتفت بغموض ونظرات مظلمة
التوى ثغرها للجانب بابتسامة ماكرة وتابعت
عايزة أشوف بنتي هتعمل ايه هي مفكرة هتتجوزك وبكدة انتقمت بس اللي جاي هيبقى أشد.
أكد فؤاد بنبرة متيقظة
اطمني خالص مارية معندهاش علم بأي حاجة ورجالتنا مفتحين قوي في كل مكان لدرجة أنهم هيساعدوهم كمان .
تنهدت فريدة بعمق كبير ونظرت امامها بشراسة وهي تردد
على خيرة الله خلينا نخلص بقى .
وضعت اسماء صينية المشروبات امامهم وهي تختلس النظرات لفؤاد شعرت بوخزة عميقة لزواجه الليلة التقطت فنجان القهوة لتعطيه إياه نظرت له بغيظ ومن شدة ڠضبها تعمدت افلات الفنجان من يدها عليه لېصرخ
فؤاد مټألما نهض وهو ينفض القهوة من على ملابسه وهتف بانفعال
مش تفتحي يا بت انتي