لاتتركيني

اول امبارح تعبانه
طيب هوديكي المستشفي وانا هروح البيت علشان
ماما عماله تتصل كل شويه مش عارف في ايه
وهبعتلك السواق تخلصي وترجعي علي طول
اوكي هخلص وهاجي علي طول متقلقش
ساره كنت عايزه اسألك سؤال
اسال مش محتاج تاخد إذن
انتي كتبتي في الورقه الصبح انك حسيتي بأمان
محستهوش بقالك عشرين سنه كان قصدك ايه بقه
ساره بان علي ملامحها الخجل والتوتر وقالت

مش فاكره الصراحه وبعدين انا باكل دلوقتي
مش هركز في حاجه تاني
مسيرك هتقوليلي كل حاجه من غير ماسأل ياساره
طيب تاكل
شكرا
سليم وصل ساره المستشفي وراح هو علي البيت
علي طول واول ماوصل كانت نسرين ومامتها
قاعدين في الصالون ونسرين اول ماشافت
سليم جريت س وقالت
سولي حبيبي وحشتني اوي اوي
سليم بعدها عنو وقال بجديه
قولتلك اسمي سليم
فريده تعالي ياحبيبي سلم علي طانط جيهان
ازاي حضرتك يا طنط 
ازيك ياحبيبي
في حاجه ولا ايه ياماما عماله تتصلي كده ليه
مدام جيهان جايه علشان تحدد معاد فرحك انت
ونسرين
سليم اټصدم لما سمع كلام امو ومعرفش يرد
علي كلامها
نسرين انا شايفه ان يكون آخر الشهر
سليم غمض عينو وفتحها تاني ومكانش بيفكر في
حاجه غير ساره وقال
مش هينفع يانسرين
ليه ياحبيبي
انا مسافر بعد اسبوعين عندي مؤتمر طبي
خلاص ياحبيبي يبقي كمان شهرين واهو الحق اجهز
الفستان وتجهيزات الفرح هتاخد وقت
جيهان ايوه حلو الوقت ده
سليم كان لسه هيرد عليها بس شاف ساره داخله
ساره دخلت وشافت نسرين لازقه في سليم
وضايقت جدا وبعدت نظرها عنهم وقالت
مساء الخير ياماما فريده
فريده مساء النور يابنتي دي جيهان صديقتي
ومامت نسرين
نسرين راحه ناحيه ساره بتعالي واتكلمت
بطريقه مستفذه وقالت
مش تبركيلي ياسو
ساره بصتلها ببرود وقالت
علي ايه
نسرين بصتلها بشماته وقالت
فرحي انا وسليم كمان شهرين
يتبع

روايه لا تتركيني 1115
البارت الحادي عشر
ساره اټصدمت لما سمعت كلام نسرين بس حاولت انها
متبينش أنها مضايقه وابتسمت ابتسامه بسيطه وقالت
الف مبروك ربنا يتمملكو بخير

عقبالك ياسو
ميرسي ياحبيتي عن اذنكم
ساره طلعت جري ؤضتها وقفلت عليها بالمفتاح
وفضلت ټعيط كتير
انتي مزعله نفسك ليه كده هو حتي مقالكيش
انو بيحبك علشان عطف عليكي شويه
خلاص اعتبرتيه بيحبك بس انا انا فين
من كل تفكيره انا بحب سليم
لا لا انا مش بحبو انا ارتحتلو بس ايوه ارتحتلو
مش اكتر ولازم اشوف مستقبلي ال مليش غيرو
 
نسرين انا لسه مقررتش حاجه علشان تقولي كده
نسرين بصت لسليم پغضب وقالت
فيها ايه لما اقولها ياسليم فرحانه ايه مفرحش ولا ايه
وبعدين مااحنا كده كده هنتجوز
بس مش دلوقتي يانسرين لسه عايز وقت
نسرين بتمثيل الحب
خلاص ياحبيبيي براحتك خد وقتك وقولي
انا اصلا مستعده استناك العمر كلو
يلا انا هضطر امشي دلوقتي
نسرين مشيت هي ومامتها وسليم جري طلع
علي ؤضه ساره وجه يفتحها بس الباب مرضاش
يفتح
ساره افتحي الباب لازم اتكلم معاكي
مفيش كلام بينا ولوسمحت سيبني في حالي
سليم بنرفزه قال
افتحي الباب ده بقولك علشان مكسرهوش ياساره
متقدرش وسبني في حالي بقه وروح لخطيبتك
ولا روح جهز بدله الفرح بتاعكو علشان تلحق
ياساره افتحي احسنلك
مش هفتح
سليم من غير اي تفكير زق الباب برجله فتفتح
ساره اتنفضت اول ماشافت سليم قدمها وبعدت خالص
سليم كان بيتكلم بنرفزه وقال
انتي مفكره ان الباب ده هو ال هيمنعني اني اكلمك
ولا الف باب يمنعوني عنك ياساره
ساره خاڤت من طريقه سليم واتكلمت بتوتر
روح لخطيبتك يادكتور وسبني في حالي انا فتره
مؤقته في حياتك وبعدين هنطلق وكل واحد هيشوف حالو
سليم قرب من ساره ومسكها من دراعها جامد وقال
متجبيش سيره الطلاق تاني لاني مش هطلقك انتي هتفضلي مراتي ياساره
لا هطلقني وانا مش هقعد معاك تاني
سليم من غير اي مقدمات خطڤ كلام ساره
طويله وساره كانت عماله تبعدو عنها بس سليم مكنش
مديها فرصه تبعد عمو لغايط اما ساره استسلمت لسليم
واتكلم بصوت مبحوح وقال
متجبيش سيره الطلاق دي تاني فاهمه ولا لأ
اومال اسيبك تتجوز نسرين واقف اتفرج
انا كرامتي غاليه عندي اوي
وانا مش هسيبك ياساره بس اديني وقت مش اكتر
وانا هحل كل حاجه والله
ساره بصت لسليم ودموعها ماليه عينيها وقالت
مش عايزه اثق فيك ياسليم خاېفه تكسر ثقتي دي
متقلقيش ياقلب سليم مش هكسر ثقتك دي أبدا

عامر كان قاعد علي اللاب توب بتاعو وفجأه شاف بنت
داخله بيتهم في اوائل العشرين
عامر فضل باصص ناحيتها كتير وقال
انا حاسس اني شوفتها قبل كده
حضرتك عايزه مين
داليا اټفزعت لما سمعت الصوت ولفت تشوف مين
عايزه مين ياانسه
انا داليا القناوي بنت عم ساره
عامر بسعاده
اهلا وسهلا نورتي البيت انا عامر ابن عمك
اهلا وسهلا فين ساره بقه
ايه ده عايزه ساره علي طول كده وبعدين مش نقعد
ونتكلم سوا الأول مش احنا قرايب
بعدين بعدين نتكلم بعدين فين ساره الاول
تعالي هوديكي ؤضتها بقولك ايه
نعم
هو احنا متقابلناش قبل كده 
داليا اتوترت وبعدين قالت
لا طبعاا هشوفك فين
انتي البنت بتاعت جامعه سوهاج ال لففتني
الجامعه كلها صح
داليا وشها جاب الوان كتير وقالت
لا مش انا خالص مش انا ياعم اكيد حد شبهي
عامر ضحك جامد وقال
انا متأكد ان انتي بس مش مشكله المسامح كريم
انا عامر في تالته طب وعارف انك في تالته طب برضو
بجد انت في تالته طب زيي
اه والله وانتي جايه بقه تقعدي معانا
انا جاتلي منحه اكمل الترم في جامعه القاهره
برافو بجد انا كمان بدرس في جامعه القاهره
طيب ممكن توديني لساره
اه طبعا ساره في الاؤضه ال علي اليمين دي
شكرا
داليا راحت ناحيه ؤضه ساره وفتحتها
داليا ايه المفاجأه الحلوه