اسكريبت مرايتي عينك بقلم ايه موسي

ساكت بنفس وضعية إمبارح أول ما شاف والدته قام جري ناحيتها كأنه لقى طوق النجاة
_ماما كويس إنك جيتي
أخدها من ايدها ودخل بيها على جوا وأنا بصيت بره أشوف والده بس ملقتهوش قفلت الباب ودخلت
_ماما أنت اللي هتقوليلي ازاي البنت دي تبقى مراتي
مامته بصتلي وابتسمت وطلبت بذوق
_رقية ممكن كوباية مايه
_طبعا
سبتهم ودخلت المطبخ أجبلها مايه ومن جوايا متأكدة إنها عايزة تتكلم معاه لوحده علشان كدا اتعمدت أتأخر ولما خرجت لقيته بيزعق وقام وقف
_يعني إيه منى اتجوزت..مستحيل
_اتجوزت بقولك هضحك عليك ليه أنا..!! علشان تبقى تسمع كلامنا أنا وباباك لما نقولك إنها مش كويسة
بصلي فجأة وشاور عليا
_ودي اللي كويسة..!!
_رقية بنت مفيش في جمالها ولا في أخلاقها..بنت أصول وتعرف ازاي تحافظ على بيتها كويس وبدل ما أنت زهقان على ست منى افرح إن الذاكرة رجعتلك
_أفرح..!! حاضر هفرح أنا فرحان أنا مبسوط..حلو كدا
فجأة مسك دماغه وقعد على الأرض مامته جريت على التليفون وأنا جريت عليه
_حمزة..حمزة بالله عليك رد عليا..علشان خاطر ربنا
دقائق مرت عليا زي الکابوس وأنا شايفه رأسه على رجلي وهو بين الحياة والمۏت الوعي واللاوعي
_خير يا دكتور ابني ماله..!!
قفل الشنطة بتاعته ووقف قصادها
_صداع إرهاق.. الصداع دا نتيجة رجوع الذاكرة زي ما حضرتك قولتي أما الإرهاق نتيجة انهاكه في التفكير أو موقف أدي لنرفزته متقلقيش لما يقوم هيبقى كويس بس ياريت بس ضغط عليه.
_وبالنسبة لأنه مش فاكر إنه متجوز
_طبيعي جدا مع الوقت ياما هيتأقلم ياما هيفتكر
_حمزة أنت كويس يابني
_أيوه كويس متقلقيش..أومال فين بابا
مامته بصتلي محتارة مش عارفه تقوله ولا لأ وأنا مش عارفه أقول إيه بس الحمد لله جه ردها في الأخر
_باباك تعبان شويه معرفش يجي
_هبقى أجي أشوفه إن شاء الله روحي أنت يا ماما متقلقيش عليا أنا كويس بصلي شويه وبعدين قال..وهي معايا
مامته مشت وبعدين قومت من مكاني علشان أجبله حاجة يأكلها اتفجئت لما لقيته مسك ايدي وقعدني
_اقعدي
هزيت رأسي وقعدت قصاده بدأ يسألني بفضول من حقه
_احنا اتجوزنا ازاي هل أنا حبيتك مثلا أو أنت حبتيني..!!
أها أنا بحبك وبحبك من زمان أوي كان نفسي دا يبقى