نغم المعتز بقلم سهيلة ياسر

البارت الاول 
نغم المعتز
لو سمحتي يا أنسه لمي شعرك... 
نعم شعري ايه الي ألمه... 
ايوه شعرك عمال يطير و... 
استنى بس انت مالك ما يطير ولا مايطرش انت ايه دخلك اصلا... 
يا ستي هو انا بعكسك انتي مبتبصيش في مرايات بيتكو.. لمي شعرك عمال يطير على وشي ودخل في عيني..... 
اتكسفت ووشي جاب مېت لون انا كنت فكراه بيعاكسني لمېت شعري ومسكته في ايدي عشان ميطرش تاني وعشان حظي وحش كنت قاعده في المكروباص جنب الشباك الي زجاجه مكسور فعلا طلع عنده حق الهوا كان جامد جدا لدرجه اني فضلت ماسكه شعري بايدي الاتنين عشان ميطرش عنده وانا بتزاح كنت شويه وهنط من الشباك ماهو كان قاعد جانبي لقيته بيقولي

خلاص سبيه...
بصيتله كده وبعدين قولتله 
لا اصل الهوا هيطيره تاني عليك.... 
خلاص مش مشكله لو تحبي تعالي اقعدي مكاني .. بصيت على مكانه لقيتني هقعد جنب شاب تاني يعني هو هيبقي شمالي والتاني عاليمين ...
لا خليني مكاني كده افضل.... 
وهو فهم انا رفضت ليه 
طيب ممكن تطلعي قدام شويه هسند بيدي الشباك عشان ميدخلش هوا....
طلعت قدام شويه وهو سند الشباك بايده طلع راجل جنتل بصراحه..... 
فعلا فضل طول الطريق ساند الشباك بايده لغايه لما وصلنا وانا نزلت و شكرته وهو كمل طريقه.....
تاني يوم وانا راجعه من الشغل رايحه اركب الميكروباص لقيت شابين وقفوا قصادي وكانوا بيعكسوني جيت امشي لقيت واحد منهم وقف قصادي وبيقولي 
علي فين يا جميل هو القمر ينفع يسبنا ويمشي .
وسع من قدامي احسنلك 
وان موسعتش هتعملي ايه 
جيت امشي تاني لقيته وقف قصادي ومسك دراعي زقيته بعيد عني... 
صوت عشان حد يجي ويبعدهم عني لقيت واحد جي من ورايا بيقولي
خير يا انسه... 
الاتنين دول بيعكسوني ومش عاوزين يسبوني امشي... 
لقيته وقام ماسكهم هما الاتنين بايديه الاتنين وخابطهم في بعض الاتنين داخوا ووقعوا في الارض ضربهم برجلوا طبعا انا واقفه مصدومه وانا بتفرج عالفيلم الاكشن ده مشى وراح شاددني وراه وبيقولي وهو متعصب 
انتي هتفضلي واقفه تتفرجي كتير امشي قدامي.. 
الصوت مكنش غريب عليه بصيتله وافتكرته هو نفس الشاب بتاع امبارح الي قالي لمي شعرك ركبنا الميكروباص ومكنش فيه غير كرسيين بس بعد ما ركبنا والعربيه اتحركت الهوا بدا يدخل فكرت اول حاجه عملتها اني ألم شعري....
لقيته بيتكلم بغيظ 
فرحانه بنفسك اوي ابقي بعد كده ألبسي حجاب... 
وانت مالك ألبس ايه وملبسش ايه... 
لما الاقيكي ماشيه بتتعكسي ولما الشباب حواليكي يبقى ليه.. 
كان بيكلمني بصوت عالي وعصبيه الناس بدأت تبص علينا انا اتكسفت أوي مبقتش عارفه أرد عليه اول مره اتحط فالموقف ده...... 
نزلت عند بيتي من غير ما أكلمه تاني وطلعت شقتنا لقيت ماما قاعده مستنياني 
الام سناء اتأخرتي كده ليه يا نغم 
نغم الفندق الي بشتغل فيه كان في مؤتمر النهارده لناس كبيره فالبلد عشان كده اتاخرت... 
سناء طيب ادخلي غيري هدومك وانا هحضر الأكل... 
في اليوم التالي 
سناء يلا يا نغم عشان تروحي شغلك انتي اتأخرتي اوي... 
نغم لا يا ماما انا مش هروح النهارده انا واخداه اجازه بقالي كتير ماختش اجازه... 
سناء ماشي يا حبيبتي نامي وارتاحي وخرجت من الاوضه ... 
اما بالنسبة 
ليه يوم الاجازه ده يوم عيد ممكن اعد بالشهور مش باخد اجازه والنهارده مصدقت وافقوا عالاجازه بتاعتي لأن ببساطه الفتره الجايه ملكيه الفندق الي بشتغل فيه هتتنقل لواحد تاني وهتبقى ايام صعبه ملحقتش انام تاني لقيت تليفوني بيرن من رقم غريب رديت 
ألو 
مروحتيش ليه الشغل النهارده... 
نغم اصل انا ال..... استني انت مين الاول... 
الشخص بعدين هقولك هااا مروحتيش الشغل ليه 
نغم وانت مالك 
الشخص ماشي يا
نغم بكره هعرفك