روايه بقلم حوريه طه

انا ما ليش مكان غير هنا
حسن انا هكتفي بلفت نظر المره دي لكن لو اتكرر تاني هتتحولي للتحقيق !! الدكتوره سمر فين 
الممرضه في غرفه العمليات
حسن تحذير اول ما تخرج تيجي لي على المكتب
وتاني مره لما الدكتوره سمر بالذات تاخذ منك اي حاجه لازم تمضي على استلامها فهماني
الممرضه حاضر يا دكتور ان شاء الله الموضوع ده مش هيتكرر تاني
حسن اتفضل على شغلك
على الجانب التاني
ماهر حبيبي طمني عليك عامل ايه دلوقتي
طاهر حبيبي انا بخير والله بس انت اللي ايه اللي جابك وانت تعبان
ماهر يا حبيبي ده انا كنت هتجنن عليك علشان اجي واشوفك بس المړض هو اللي حاشني عنك
طاهر حبيبي الف سلامه عليك اطمن انا كويس
ماهر امال اخوك فين قالوا لي ان هو هنا
طاهر كاران مشي علشان عنده شغل مهم هيخلصه ويجي
ماهر مين اللي خطڤك وعمل فيك كده
طاهر مش عارف يا جدو يمكن ناس كانت محتاجه فلوس ولا حاجه
ماهر بقيت بتخبي عليا انت واخوك كتير وفاكرين ان انا كبرت ومش فاهم انتوا بتعملوا ايه
طاهر يا حبيبي انت الخير والبركه ربنا يخليك لينا
ماهر ويبارك لي فيكم يا حبيبي بس لينا قاعده لما تقوم بالسلامه انت واخوك
طاهر الابتسامه ان شاء الله يا حبيبي
خالد بانفعال انت خاطفني ومحتجزني هنا وفاكر ان ده هيعدي كده بالساهل
كاران يقعد على الكرسي ويشيل نظارته اقعد ووطي صوتك واحد غيرك كان يحمد ربنا ان هو لسه واقف على رجليه لحد دلوقتي
خال ليه هو انا اللي عرضت حياه بنتك للخطړ وخليت اخويا يلعب في دماغها لحد ما يعلقها بيه
كاران لا انت اللي خطفت بنتك وانت اللي عرضت حياه اخويا للخطړ ولو كان جرى له حاجه كنت انت زمانك مېت
خالد يعمل نفسه مش فاهم وانت فاكر ان انت هتلبسني الليله دي
كاران بابتسامه يقعدوا على الكرسي انا عارف ان انت هتخطف طاهر من قبل حتى ما تخطفه وكنت سايبك تلعب علشان بس اوصل للولاد اللي انتم كنتم خطڤينهم بس اللي ما كنتش عامل حسابه ان رجالتك تتغابه وټضرب على اخويا ڼار
خالد يبلع ريقه انت بتقول ايه
كاران حجازي هات الهديه بتاعه خالد بيه
حجازي يدخل وفي ايده واحد من رجاله كاران
خالد بيبص له بارتباك وكاران يطلع مسدسه ويضرب على الحارس وېقتله كان لازم اعمل كل اللي عملته ده وخلي كل اللي حواليا يصدقه اني ما اعرفش مين اللي خطڤ طاهر علشان جاسو سك ده يوصل لك ان خطتك ماشيه زي الساعه
خالد يعني سبتني علشان بس توصل اللي انت عايزه
كاران انت غبي يا خالد فكرت انك ممكن تقف قدامي انا حذرتك مره وقلت لك وقف التجاره دي بس انت ما سمعتش الكلام
خالد بترجي كاران ارحمني بلاش تقتلني زي ما قټلت سليم الشهاوي الطريق ده اللي بيدخله مش بيخرج منه بمزاجه ولو حاول يخرج بيتصفى
كاران انا مش هوسخ ايدي فيك ! اصل انت كده كده مېت الناس اللي انت المفروض توصل لهم البضاعه هم اللي هيخلصوا عليك لان هم ما استلموش حاجتهم انا بقى هسيبك ليهم وهم يخلصوا عليك بمعرفتهم
خالد پخوف انا مستعد اعمل لك اي حاجه بس تحميني منهم انا وملك انا عارف ان طاهر بيحب ملك دول ما بيرحموش
كاران يقعد على الكرسي يحط رجل على رجل اول ما طاهر يقوم بالسلامه هنكتب كتابه على ملك ده اولا 
ثانيا بقى والاهم علشان احميك منهم لازما تقول لي على شركاتك التانيين وكل واحد ليه يد في التجاره الۏسخه دي
خالد انا لو فتحت بقي هيخلصوا عليا انا ما ينفعش اقول لك على اسمائهم
كارانطيب ما انت كده كده مېت بس لو قلت لي على اسمائهم هيبقى عندك فرصه انك تعيش
خالد هقول لك على اسمائهم بس انت هتحملي منهم ازاي
كاران احميك منهم ازاي دي بتاعتي مش بتاعتك انت اللي عليك دلوقتي انك تقعد مع حجازي وتدي له كل اسماء شركاتك تمام يا خلوده
خالد وهو يرتجف من خوفه حاضر حاضر يا كاران
في فيله الشهاوي 
صبا تجلس وتارطف الملوخيه انا مش عارفه برغم كل شغالين اللي موجودين عندك وعندك الطباخ ليه بتقفي في المطبخ وتتعبي نفسك
امل تاخد منها الملوخيه وتضربها على ايدها قلت لك كم مره ما تسيبيش العصايه الصغيره دي في ورقه الملوخيه
صبا تحبي اقطعها لك بالمشرط
امل وخضريها كمان لتصحى منك في الحله والله ما انت نافعه انا مش عارفه بيحب فيك ايه
صبا ماما اوعى يكون هو ده الموضوع اللي انت مكلماني وخليتيني اجي علشانه
امل ماله مالك ابن عمك بيحبك وشريكي وهبقى مطمنه عليك معاه
صبا بضيق ما لوش يا ستي هو زي
الفل انا بتبطر روحي بقى شوفي له واحده تستاهلوا غيري انا ما بفكرش في مالك ولا عمري هفكر اني اتجوزه
امل ترفع حاجبها لكن فكرتي في كاران الطحان واتجوزتيه
صبا تغير الموضوع المحشي بيشيط يا ماما هبص عليه
امل تفهم حركات بنتها لا اقعدي انا موطيه عليه
وبعدين تكمل بتركيز اوعى يكون حصل بينكم حاجه
صبا ترجع تتذكر لحظاتهم مع بعض في بيت احلامهم وتبتسم ولا تجاوب على امل
امل ټضرب على صدرها بفزع وتشدها من شعرها بدون اي مقدمات يا نهارك اسود قرب منك هقول ايه لابن عمك دلوقتي اللي قاعد مستني انك تطلقي منه
صبا تتالم من مسكه امل لشعرها ايه اللي بتعمليه ده ااااه !!! سيبي شعري يا ماما !!!ااااه
امل بانفعال وما زالت تمسك شعرها هو ده الجواز اللي على الورق ما بحبوش يا ماما وانا زي المغفله صدقتك
صبا تتالم وتحاول ان تخلص شعرها من ايدين امل جوازنا لسه على الورق كاران ما لمسنيش ولا حصل بينا حاجه !!! اااااه سيبي شعري يا مااااما
امل تترك شعرها وتبلع ريقها وتتنفس بهدوء وقعت قلبي خفت لما سكتي وما ردتيش كنت هقول ايه لابن عمك اللي قاعد مستني ده
سبع تقاطعها بانفعال وهي ترتب شعرها انت بتقولي ايه يا ماما انا بجد مش مصدقاك وهو ماله
اصلا
امل لا ماله ونص ابن عمك بيحبك وانا هطمن عليك معاه
صبا تقف علشان تمشي طيب بصي يا ماما يا حبيبتي عشان نخلص من الموال ده نهائي انا مش هتجوز مالك حتى لو ما كملتش مع كاران برده مش هتجوزه
امل استني هنا انت رايحه فين
صبا ماشي يا ماما !!!!! ماشيه
وهي ماشيه تقابل زين
زين ايه يا حبيبتي ده
انت لسه جايه ماشيه ليه
صبا وهي لسه شيطه من اللي امل عملته معاها زين هي ماما بقت عڼيفه كده امتى الواحد ما يعرفش يتكلم معاها كلمتين
زين والله انا مش عارف انا هفاتحها ازاي في موضوع جوازي
صبا بابتسامه حبيبي الف مبروك خلاص اخيرا هنخلص من حدوته زين وحنين
زين بابتسامه اه يا ستي بس ادعي لي اعرف اقنع ماما
صبا بضحك هي مهمتك فعلا صعبه بس بالتوفيق ان شاء الله يلا سلام
زين بضحك سلام يا مجنونه
بقلمي حور طه
خلونا نصلي على الحبيب قلبك يطيب
البارت 21
خالد البحيري اټقتل
كاران يضغط على فرامل العربيه ويوقفها پصدمه انت بتقول ايه يا حجازي خالد اټقتل ازاي
حجازي قناص يا كاران بيه استهدفوا بعد ما حضرتك خرجت على طول
كاران وهو يخبط على الدركسون العربيه بانفعال كلاب اتحركوا قبل ما ناخد اي خطوه ضدهم
حجازي واحد من رجالتنا اللي بيحرسوا الاطفال كلمني وقال لي ان حصل عليهم هجوم وخدوا الاطفال
كاران پغضب عرفت اسماء شركات خالد قبل ما ېموت
حجازي للاسف يا كاران بيه قتلوه قبل ما يتكلم تؤمرني بايه
كاران بعصبيه تجمع كل رجالتك لازم اوصل للولاد قبل ما يعملوا فيهم حاجه
حجازي لكن احنا ما معناش اي معلومه توصلنا ليهم
كاران نفذ اللي قلت لك عليه والاهمال ده انا هحاسبك عليه بس بعدين
حجازي تحت امرك يا كاران بيه
كاران يقفل مع حجازي ويتصل بصبا رجعت على القصر يا صبا
صبا لا يا حبيبي قدامي ربع ساعه واوصل القصر 
كاران ما تروحيش على القصر قابليني في المطعم اللي جنب المستشفى
صبا بقلق كاران مالك في ايه باين على صوتك انك قلقان
كاران لما تيجي هقول لك 
وبعدين يقفل معاها ويتحرك بعربيته
ف فيلة الشهاوي
امل تجلس امام التلفاز وياتي زين ويجلس بجانبها ويقبل يديها وابتسامه ماما حبيبه قلبي مزاجها رايق
امل وهي تاكل من طبق المكسرات وتابع الفيلم عايز ايه
زين يمشي ايده على شعره فهو يعرف انها تفهموه جيد فقرر ان يزدت القنبله مره واحده ماما انا عايزه اتجوز
امل بقها يوقف اكل تلقائي بمجرد ان سمعت كلامه وتترك طبق المكسرات على الترابيزه وتغمض عيونها وكانه الهدوء قبل العاصفه تلتفت عليه بانفعال هو انت واختك ناويين ټموتوني هو انا لسه فوقت من المصېبه اللي اختك عملتها ايه نفسكم اتفتحت على الجواز فجاه
زين بدهشه من رد فعل امل يا ماما صبا اتجوزت وبعلم جدي وبعدين هي ما عملتش حاجه غلط اتقدم لها عريس ووافقت عليه وخلصت
امل بعصبيه لما يكون العريس ده مناسب تبقى خلصت لكن لما يكون كاران الطحان تبقى لسه بتبتدي
زين بهدوء طب يا حبيبتي اهدي
امل تقف بانفعال اقول لك على حاجه انت تاخد بعضك وتروح لجدك هو اللي بيجوزكم انا رايي في البيت ده ما لوش لازمه
زين يبوس ايدها يا ماما يا حبيبتي مين اللي قال كده ده انت رايك اهم حاجه عندنا اهدي بس كده واقعدي
امل تجلس وتهدا قليل ثم يتابع زين باستعطاف يا ماما يا حبيبتي يرضيكي حنين تطير من ايدي
امل تنظر لابنها وترى الحب في عيونه حاضر يا زين لما جدك يجي فتحه في الموضوع عشان الست حنين ما تطيرش من ايدك
زين فرحه يضمها ربنا يخليكي ليا
يا احلى ماما في العالم ده كله بحبك
امل ابتسامه بتحبني انا ولا بتحب حنين
زين يقبل يديها بحب انت الحب الاساسي يا اموله يا عسل
ف شركة الشهاوي
كاملالخطه اللي انت ماشي فيها دي توقفها حالا
مالك پغضب لا مش هوقفها وكاران الطحان لازما انهي عليه وارجع صبا صبا حقي انا
كامل انا مش عارف ولادي اغبياء وكمان احفادي اغبياء اعمل ايه بس يا ربي رزقتني بعيله كلها اغبياء
مالك انا مش هسيب صبا لكاران الطحان ولو حكمت اني اقتله هقتله كان لازم تفكر في رد فعلي لما تروح تجوزه حبيبتي 
كامل انا سبق وقلت لك ان صبا في قصر الطحان علشان مهمه محدده تخلص وهترجع وهتبقى ليك
مالك بضحكه ساخره وبتقول علينا اغبياء طلعنا مش جايبينه من
بره
كامل بتحذير اتلم وانت بتتكلم معايا واعرف انك واقف بتتكلم مع جدك خلي عندك شويه احترام
مالك بنفس النبره الساخره لو كنت فاكر ان صبا هتنفذ حاجه انت تقول لها عليها ضد كاران الطحان تبقى غلطان وما تعرفش اخر