عشق طفولتي

غيري كده دي صفره ومسلوعه والله رجعت البيت وكانت هنا اختي جت هي وولادها و جوزها سلمت عليها بفرحه وقعدت معاهم 
_ ده بقى يا ستي مهاب اخو ساندي 
_ الصفره 
بصلي بذهول _ نعم بتقولي ايه 
_ هه لا ولا حاجه بس شكلك مصري
ضحك _ يعني هي اللي المانيا ما هي كمان مصرية بس عايشين في ألمانيا من زمان 

_ وانتوا اتعرفت عليهم ازاي 
احمد جوز هنا اتكلم _ دول ولاد خالي يا فريدة اصلا 
_ احلف 
ضحك _ والله يا بنتي 
يونس اتكلم _ اصلا لولا احمد و مهاب وساندي مكنتش عرفت اتعامل هناك فعلا انا عملت فلوس كويسه و رجعت هنفتح شركه انا و احمد و مهاب مع بعض في مصر 
بصتله بغيظ تاني الصفره دي مردتش عليه وطلعت البلكونه وانا هطق لما لقيته واقف مع الصفره دي وبيهزر معاها 
_ يعني سيبتينا كده ووقفتي لوحدك بتحبي الهدوء ولا ايه 
بصيت كان مهاب ابتسمت بمجامله _اه انا فعلا بحب الهدوء 
_ بس مصر جميلة اوي وفيها حاجات حلوه 
ضحك وكمل _ وبنات قمر 
_ وايه كمان يا حيلتها 
بصيت لقيت يونس ماسكه من قفاه 
_ لم نفسك يا مهاب انت مش في المانيا 
ابتسم بخبث_ الله مش بقول الحقيقه
اتكلم بحده_ لا متقولش اطلع بره 
شده وطلعه بره ورجع وهو بيتنفس بسرعه فبصتله 
_ انت عملت كده ليه طلعته برا من غير ما يعمل حاجه 
اتعصب _ انتي مش سامعه كلامه 
_ لا مش سامعه على الأقل بيفهم مش زي ناس 
بصلي وضيق عيونه _ قصدك ايه 
ابتسمت باستفزاز _ خلي الصفره تفهمك 
تاني يوم جهز للحفله بتاعت رجوعه لان اليوم اللي قبله انشغله مع هنا و احمد جوزها كان يونس طول الوقت واقف معاها وانا واقفه متغاظه ولما مهاب كان يقف جنبي كان پيتخانق معاه اوقات بحس أن مهاب قاصد يستفزه بس مش فاهمه ليه جه وقت الحفله وقررت البس احلى حاجه عندي وهنشوف انا ولا الصفره دي لبست فستان سواريه وحطيت ميك اب خفيف ونزلت كانوا كلهم ركبوا العربية مفضلش غيري بصيت لقيت يونس قرب مني ومبتسم وبعدها كشړ
_ ايه الروچ ده 
ابتسمت باستفزاز_ حلو صح
_ زي القرف امسحي الروچ ده يا فريدة 
بصتله بتحدي _ مش همسحه يا يونس واللي عندك اعمله 
_فريدة متستفزنيش وامسحي الروچ 
_ لا يا يونس 
اتكلم پحده _ والله يا فريدة لو ما مسحتيه لهتزعلي مني جامد اوي 
_ ازعل براحتك وبعدين انت مالك بيا روح للصفره بتاعتك وملكش دعوه بيا وبعدين ما هي زي البليتشوه هناك اهو مكلمتهاش ليه 
_ وانا مالي بيها انا ليا كلام عليكي انتي بس 
_ ليه بقى مش ست الزفته خطيبتك سيبك مني انا 
_ ملكيش دعوه يا فريدة امسحي يلا 
_ وانت برضوا يا يونس ملكش دعوه 
_ عارف لو ما مسحتيش مش هتروحي في مكان ويبقى وريني بقى 
بصتله بغيظ وكنت هعيط بس اتماسكت وصممت ووقفت بعيد فقري بغيظ ومسك منديل ومسح الروچ فاتعصبت 
_ يا مستفز 
ضحك باستفزاز_ كده انتي قمر يلا يا عسل اركبي العربية 
شاور على العربية لقيت مهاب قاعد قدام والصفره راكبه ورا يعني أنا هقعد جنب الصفره 
_ لا طبعا مش هركب جنبها لو ايه 
_ يلا يا فريدة اركبي مفيش مكان غير ده 
رديت بعند _ لا يا يونس براحتك 
بصلي بغيظ وشد في شعره _ استغفر الله العظيم يارب 
عمي طلع رأسه من عربية احمد وزعق_ ما تركبي انتي وهو خلينا نمشي 
يونس بصلي بمكر وضحك وانا ركبت بغيظ انا اساسا مش طيقاهم وصلنا المكان ودخلنا وكان جميل اوي هو اه كان على الضيق بس كان جميل المكان بكل ما فيه يعني هو عامل كل ده عشانها !
كنت واقفه جنب ماما و شهد و نور و شهد كانت ماسكه ايدي ويونس طلع على الاستدچ واتكلم 
_ طبعا النهارده احنا عاملين الحفله دي افتتاح ل شركتنا الكبيره انا و شريكي الاستاذ مهاب و الاستاذ احمد 
سقفوا كلهم وانا كنت ببصله بانبهار شكله بقى كاريزما بجد ليه طله ټخطف بس خلاص هو بقى ل غيري دلوقتي
كمل كلامه وهو مبتسم _ الحاجه التانيه حابب أعلن ارتباطي قدامكم ل حبيبتي و حياتي و دنيتي كلها 
كنت ببصله