عمي ميصحش
انت في الصفحة 1 من 8 صفحات
اسكريبت
يا عمى ميصحش كدة و الله
اخرس انت ليك عين تتكلم
شدنى حمايا من ياقة القميص بعصبية و سحبنى وراه ناحية باب الشقة مسكت إيده بحاول افكها من على هدومى و انا بقول
انا عملت ايه بس لكل ده .. يا حاج راعى برستيچى طيب ده انا ظابط أد الدنيا
قال و هو بيفتح باب الشقة و بيزقنى برا
يا عمى و الله ما عملت حاجة تستاهل كل ده دى بنتك هى اللى بتحب تكبر المواضيع .. تعالى بس ندخل جوا و نتفاهم
جيت ادخل راح زقنى و قال
مفيش دخول .. وبنتى مبتكبرش المواضيع و حتى لو بتكبرها فمعاها حق .. براحتها
يرضينى انا يا اخويا .. و يلا اتفضل بقا من هنا بنتى هتبات معايا النهاردة
الله ليه يعنى ما تغضب فى بيت جوزها هيجرا ايه .. دخلنى بس اتكلم معاها الجيران سمعت بيناااا
مفيش دخول و بنتى تغضب ف المكان اللى هى عايزاه .. و هى عايزة تبات هنا الليلة دى
ماشى يا عمى .. براحتها .. انا ماشى
مع السلامة يخويا
ربنا ع الظالم و المفترى
بتبرطم بتقول ايه ياض
مبقولش مبقولش
الساعة 2 بالليل كنت نايمة فى اوضتى فى شقة بابا .. بدأت احس بصوت دوشة بسيطة فى الأوضة لأن نومى خفيف فبدأت افتح عينى ببطء اتنطرت فى مكانى لما لمحت ضل راجل واقف اودامى و صړخت
حرامى ايه يا بت المچنونة انا جوزك
و ۏلع الاباچورة اللى جمب السرير فملامح وشه بانت
مراد
ايوة سى زفت
و قلت بعصبية
حد يخض حد كدة .. و بعدين انت دخلت هنا ازاى
من الشباك بسيطة يعنى
بصتله بدهشة ف الأول و بعدين رجعت كشرت و انا بربع ايدى و بقول
و هو فى حد عاقل يجى لحد فى وقت زى ده و بالطريقة دى
احسن تستاهل
ليه يعنى .. كل ده عشان اللى حصل فى الصيدلية .. انا معملتش حاجة غلط انتى مشوفتيش الكلب ده و هو بيبصلك بصات مش كويسة .. لا و كمان لما بقوله بص اودامك بيبجح .. يبقى يستاهل اللى عملته فيه و لا لا
و لو اطول اعمل اكتر من كدة كنت عملت .. انتى مفكرة اسمى سوسن و لا ايه
يا بنى آدم ده اخو صاحب الصيدلية يعنى لو اشتكاله هيقطع عيشى .. انت فى كل حاجة بقت ايدك سابقة راسك كدة .. من كتر معاملتك مع المجرمين بقيت همجى شبههم
اممم و ايه كمان
قالها ببرود و هو بيطلع المسډس من الجراب بتاعه فبصتله بفزع و رجعت لورا
اهدى يا متخلف هتعمل ايه .. هتقتل مراتك
